打工仔分享超慳錢方法 帶飯返工可儲到$16萬？網民：積少成多！｜網絡熱話
廣告
打工仔帶飯可慳錢！慳得就慳，為了生計的確是慳到盡。香港地借樓貴，但份糧就永遠唔夠用，想買樓有個安樂窩更難，普遍打工仔即使做十年八載都難有一個上車機會。近日討論區上就出現有位事主帶出只要每天都帶飯上班的話，一年就能夠慳到過萬，但網民意見兩極！
撰文：ＷＭ丨圖片：劇照
打工仔慳錢帶飯 一年慳到過萬！
近日有事主於討論區開po道出自己只要每日帶飯上班的話，以出外用餐$60/餐計算的話，上班天20日，一個月就可以慳約$1,200元的午餐開支，一年下來，每年就能夠慳大約$14,000的開支，小數怕長計，這筆數字已經足夠一家四口去旅遊（如果有得去旅行）或搬出來住一個月的租金了。
$1,000再做投資 積少成多！
事主亦指自己只要將其中的$1,000去做投資的話，假設每年能夠有5%回報，5年後就會有$70,000元，10年後更會有$160,000，積小成多的概念。能夠用小小的錢去將其滾存，得出一個比較好的回報。
自己帶飯 營養更均勻
而事主亦為了自己的女兒同樣準備愛心便當，務求女女能夠帶飯上學，從而令女兒能夠有均勻的營養吸收，亦能夠慳盡學校的飯錢。再用這筆錢同樣放進不同的投資市場中，又能夠積少成多，日積月累變得更多金錢。
返工帶飯仲有更多好處，即睇：一個人食飯不等於不合群！返工獨自吃飯的7大好處 可以慳錢做毒毒
網民：買餸煮飯成本和時間都未計
不過都有網民認為其實該做法並非真的慳到很多，其實買料煮飯亦要成本和時間，材料費和時間都應計算落整體成本內，其實這些時間可以去做其他事情，如與家人維繫感情等，約朋友吃飯聯誼等，儲到少少錢但要犧牲和其他重要的人的相處機會，不太划算。亦有網民認為其實這樣「死慳死抵」的精神，令到人生沒有意義。
儲蓄方法各有利弊，大家可按照自己的喜好及習慣來安排最適合自己的儲錢方法！
