打工仔慘呻單身高層唔派開工派利是！已婚下屬反而派返畀佢！

單身高層拒絕派開工利是 連朱古力都沒有請下屬

新年期間，一位香港打工仔在社交平台中開帖發文，詢問一眾網友「大家點睇主管級 / 經理級未結婚，但又唔俾利是」。樓主表示，他個人認為主管有分高級及初級，如果只有一至兩個下屬，不派利是亦沒所謂。可是，如果已經是總監或高級經理級別，管理十幾廿個員工，就應該派利是，鼓勵士氣，「如果新年流流都晤畀封利是仔真係講唔過去」。

即使不想派利是，亦應該買朱古力送給下屬，「唔畀都冇所謂，買返10幾盒幾十蚊嘅朱古力，做個樣請下屬都要掛？」樓主更分享，前公司總監是單身，每年新年都不會派利是，反而公司中一位文員級的職員，「 因為結咗婚所以要派利是 」，該職員更走到總監房中派利是給他，「個總監又真係收」，諷刺總監孤寒不派利是，小文員反過來派利是給總監。

網民意見兩極：「 有機會派利是都係一種福氣 」

帖文一出，引來不少打工仔一起討論及分享個人經驗。不少是公司主管級的網民表示，即使自己未婚，都會照派開工利是給下屬，「亦會準備定 D靚靚糖果比佢地」，而已婚下屬亦會派利是給他，場面開心熱鬧，認為都是「一個意頭同心意」，不用過分介意輩分。

有網民分享舊公司一位單身女總監，在公司工作超過20年，「佢手下幾十個人，全部佢自己請返黎」，可是她以公司是「鬼佬公司」作原因，拒絕派利是。有作為上司的網民表示，自己非常重視有工作能力的下屬，所以新年派利是時，「直接幫我手嘅下屬永遠一張金牛」，希望讓下屬感受到他的心意。同時，亦有網民認為開工利是一年一次，新年期間都是大家開開心心，「有機會派利是都係一種福氣，明就明啦！」

原文 :

資料來源：奴工處@Facebook