港男狂鬧網上買戲飛收手續費不合理 減低戲院成本都照收錢！網民：賺到盡！

港男狂鬧網上買戲飛仲收手續費不合理：降低人手成本都唔肯減

好多人都會網上買戲飛，勝在任何時間、任何地方都可以即時知道戲院仲有幾多位，可是每次網上買戲飛的交易都要收取手續費，由幾蚊到十幾蚊不等，有網民就在討論區中提出質疑：「網上買已經減低咗佢人手成本，反而要收返十幾蚊一張手續費？傻更更？」

網民意見超兩極！

樓主對於網上買戲飛的言論，引起不少網民熱烈討論。部分網民就好同意樓主的看法，表示手續費都收得幾貴。更有戲迷指：手續費頂多2%，但一張50蚊嘅學生飛都收11蚊、亦有人指，「網上買戲飛都方便戲院運作囉，減返10蚊就差唔多，售票員都請少個啦」、「佢收十幾蚊一張 (手續費) 係佢自己食」

討論區中亦有指售票員服務下降，暗指根本不值得人多付手續費，「成本緊係轉移畀消費者，依家boardway入場都只係嘟qr code飛都唔使睇」，但又有網民表示：「除咗賣飛仲有其他admin嘢做」。有人開始估計網上買戲飛的手續費，可能是信用卡手續費？但亦有人不同意反問：「你呢個問題同點解舖頭用信用卡要收手續費一樣」。

另有網民就指，收少少手續費都是合理。有人指：「你可以隨時隨地唔使到場買到戲飛啵，方便都值$10啦onX」、「網站都要錢營運」、「咁你咪搭車去現場買囉，咁多意見」。

亦有網民作理性分析，「因為免咗排隊，有客人節省咗時間，會願意畀多d錢買依個方便，咁戲院就可以區分到願意比錢嘅客，同無錢畀嘅客，佢地就可以差別性定價咁增加收入」。

最後亦有部分網民指，香港好多間戲院網上買戲飛都要收手續費是行規，「院商話改免費做壞規矩驚比業界Ｘ喎」，網民表示現時亦有好多間香港戲院在平日星期一至五提供優惠，大家不妨多留意。