港人去戲院睇戲遇無品觀眾 怒轟2大行為超滋擾｜玩樂熱話

戲院睇戲遇無品港人

不過有網民近日去戲院睇戲遇到無品的港人，更大數他們的自私的行為，「琴日只係去睇飯戲攻心咋，前面個男人由開場就問佢老婆勁多問題，去到黃子華個阿媽嗰度佢又問呢個係邊個，乜水？其實劇情會交代㗎啦，靜靜地睇吓戲又畀附近嘅人靜靜地睇戲得唔得？」。

有小朋友著發光鞋影響他人

事主亦指有家長帶小朋友一齊睇戲，「附近有個小朋友著咗對踩落地會發光嘅鞋，由一半開始小朋友就瘋狂踩落地搞到對鞋發光，附近有人玩手機啲光有時都會騷擾到其他人，何況對鞋咁光，仲要不停閃，坐佢隔離真係勁辛苦！」。

事主怒轟該名家長沒有管好子女

事主怒轟該名家長應要管好自己子女，「小朋友入戲院睇戲，係咪應該要控制吓小朋友啲行為？而家啲人成日諗住小朋友咋嘛大人應該要包容吓，包容都有限度啦，明知小朋友未必可以坐定定兩個鐘，你哋做大人好想睇戲嘅一係就交低啲小朋友畀屋企人自己好地地享受me time，但唔好帶出嚟騷擾埋其他人囉」。

網民：最討厭係製造噪音嘅觀眾

有網民亦遇到與樓主相似的情況，「最討厭係製造噪音嘅觀眾，包括幼童哭鬧或不停發問，又話要走，但家長唔安撫小孩，食嘢太大聲，飲管啜聲，自己偷偷帶入開餐，最勁係見到食KFC，對話不停，經常電話鈴聲響提示」，不過有網民表示自己每次睇戲都會帶麥當勞或叉燒飯入去食，「我通常坐最後食，啲職員我又識，睇完呢套又入其他院睇」。

香港人就係低質？

有網民覺得戲院總會遇到無品的人，大鬧香港人就係低質，「有啲人把口停唔到，可能刷存在感，真係煩人」、「出外睇戲常會遇上各式各樣的騷擾，大煞風景，隨着現今串流服務大行其道，可能在家觀賞會更加開心」、「「真係，細路真係煩到嘔」、「附近有人玩手機啲光有時都會騷擾到其他人，最憎呢種人」。

網民建議戲院禁止著識發光的鞋入場

有網民建議戲院應該禁止著識發光的鞋入場，以免燈光影響其他觀眾，亦有網民覺得家長不應該帶睇戲，「叫佢哋睇一套冇興趣嘅戲，點會同你坐定定兩個幾鐘」、「真係，細路真係煩到嘔」。

原文截圖：