戲院前員工大爆料：靈異經歷＋有無閉路電視！最誇張執過呢樣嘢？｜玩樂熱話
廣告
去戲院睇戲可說是港人最愛活動之一，最近連登討論區內就有不少戲院前員工爆料，為充滿好奇心的網民一一解答疑問，其中當然少不了坊間流傳的靈異事件以及「到底戲院內有無夜視鏡及CCTV ？」
前戲院員工爆料內幕
1 人工奀？
有興趣入行的網民關心收入問題，原來戲院兼職起身點最高大概$45，全職職員都只係「一萬鬆啲」，但如果排着夜更會有津貼，大概$35至$70，並非外界所傳包的士返屋企。
2 工作輕鬆？
雖然薪金並非特別吸引，但很多請員工表示工作總括尚算輕鬆，有部份更認為返戲院是他們返過眾多兼職中最開心的一份工，即使忙也可和同事有講有笑，有時友誼更可維持到辭職之後。
3 可以免費睇戲？
其實除了放映員之外，其他員工多數身兼多職，清閒時才可趁「巡場」時稍作逗留，某些院線每月有2、3張員工免費票可以用，但若果遲到亦有可能被扣。
4 張凳有幾污糟？
可以進食的地方一定會整污糟，「成張凳都係汽水爆谷，豉油都試過」，但基本上如果並非太誇張到不會清洗凳椅，通常早上開放前會有員工入內清潔，所以「越早睇應該越乾淨」！
5 小食部衛生情況？
經常被觀眾投訴貴價的小食部食物，前員工透露衛生情況不錯，食物乾淨，但未必新鮮，香腸燒賣「閒日可能會放好耐硬晒」，雖然熟食會即日丟掉，但爆谷早上準備好放到夜晚，有多甚至會第二日再用。
6 靈異經歷？
密閉空間的戲院經常是恐怖片的取景地點，同時充滿了都市傳說， 網民當然好奇戲院入邊有無出過事？ 員工表示雖然同事經常分享鬼故，但親身經歷則欠奉，但農曆七月都會燒一次衣求安心！
7 院內有CCTV ？
不要以為戲院內漆黑一片，做什麼都無人知，其實超大屏幕下有可能仲光過日頭，加上為了防止有人偷拍電影院內設有CCTV，經理室更有高清螢幕，員工仲話CCTV見到的畫面隨時比電影更好看，「成日都有 係經理室食住爆谷睇」， 最誇張仲有人試過執到用過的安全套！
撰文：KW圖片來源：pexels@Tima Miroshnichenko、《鬼片：驚嚇現場》 電影劇照、《她的神話》劇照、pexels@John Booth、《柔美的細胞小將》劇照
