食完愛心飯盒即暈倒 驚覺恐怖女友「加料」！ 背後原因令人詫異 網民勸快分手！｜網絡熱話
廣告
有女朋友整愛心飯盒畀自己，可以話係好多男仔夢寐以求嘅事，但係如果女朋友喺食物入面「加料」，而且仲要係有目的地「陷害」你，你仲想唔想食愛心飯盒呢？
撰文：Evita ｜圖片：Pexels、Twitter
男友食完愛心飯盒即暈倒
早前有位日本男仔喺其Twitter發布一張處於醫院嘅相片，並寫到「彼女の作ってくれたご飯(夕飯)を食べた結果wwwwwwwwww」（吃她為我做的晚餐的結果）。相中見到網友左手插住針筒，疑似打緊營養液。食餐飯都搞到咁，究竟係咩事呢？
恐怖情人加料落愛心飯盒 只為 check 手機紀錄？！
呢位男網友原本以為自己只係疲癆過度而暈倒，點知去到醫院驗血後發現女友喺「愛心晚餐」裡面加入安眠藥，令佢食完即刻暈倒。但係點解女友要咁做呢？原來係想利用男網友嘅指紋去解鎖手機，Check網友Line同Twitter聊天記錄啊！
男網友更話女友有唔少前科，雖然之前一直忍讓，但係今次最終都係同女友分手了。各位單身者，睇完唔知仲期唔期待將來有愛侶煮飯你食呢？
即睇更多：情侶分手最離奇理由Top9！超爆笑藉口：「我家的寵物不喜歡你！」｜網絡熱話
