港男笑指彩虹站最多人用Gucci！網民：真係有錢定鍾意充大頭

彩虹邨最多人用Gucci嘢

有網民在連登討論區發帖，發現彩虹邨是最多人用Gucci物品的地方，「每次搭地鐵彩虹站上車，嗰啲OL又用Gucci袋，MK仔廢青又著Gucci衫，啲女又著Gucci鞋，究竟係住公屋真係有錢啲定係啲公屋仔鍾意充大頭？」。

網民分析$1.000件衫買得起

有網民分析當他萬五一個月，家用$3,000，用錢$12,000，$1,000件衫買得起，不過有網民指「成世人都未入過名牌店買嘢，利申住私樓」、「我由頭到腳都係巴黎世家」。

彩虹站上車未必一定住彩虹

有網民指在彩虹站上車未必一定住彩虹，「仲未計埋西貢嗰班搭巴士小巴出彩虹站，其實人流好多，好分散，唔係全部彩虹邨，西貢車長期爆棚」、「唔係全世界彩虹站就住彩虹邨，不過啲外人就會咁覺得」。

網民：我由頭到腳都係巴黎世家

不少網民紛紛留言，「成千蚊一件衫喎」、「可能淘寶貨黎」、「唔係全世界彩虹站就住彩虹邨，不過啲外人就會咁覺得」、「你去半山跑馬地嗰啲傳統地段睇吓啲人個個都係普通人打扮，就算有牌子嘅都係細細個logo嗰啲款式，望落整整齊齊」。

網民批評不如花錢學投資改變生活

不過有網民批評社會低層人士有錢買呢名牌，不如花錢去學投資改變生活，不過網民反指彩虹上面山全部私樓千幾萬，地鐵站對出運動場附近都有堆隱蔽私樓，「人地已經享受緊生活」、「公屋呢啲咁嘅環境你享受埋我嗰份」、「印證咗只有窮人會成日將貴嘢著上身」。

資料來源：連登討論區