港男大呻住將軍澳康城壓力大：成日被上下打量！網民恥笑：自己冇自信仲怪人

住將軍澳日出康城壓力大？港男街坊裝遭女居民白鴿眼

早前有網友在討論區以「住近市區大商場上蓋樓（例如康城）落街好大壓力」為題發文，稱某次行經康城商場時，疑因為穿着得比較隨便，遇到「隔離個港女啤住兼上下打量」，稱居住地鐵站上蓋「唔搭的士唔渣車出入一定要經商場，但樓下商場其實又係扮高級，周邊環境又唔算窮」，無奈地問網友「到底住呢啲地方落一落街買嘢做運動，係咪唔可以著得寒酸同街坊裝，最少都要著返對波鞋同似樣嘅出街衫。」

不過留言一面倒嘲笑樓主「無自信」，稱「自信少少，平時睡衣踢拖落，人哋望你咪望返人」、「好多人專登著拖鞋短褲行商場目的就係話畀人知佢住樓上」，不明白樓主有甚麼好煩惱，最後樓主選擇潛水不再回應。

網民稱：康城站人口爆棚「有監獄feel」

另外，亦有網民認為康城站人口爆棚，認為壓迫感大「有監獄feel」，表示康城站上蓋商場「幾千戶棟棟至少三四十層迫晒喺商場樓上」，並指「加埋返放工時間轉lift大堂嘅人流，真係⋯⋯如果向內園嘅感覺仲明顯」，帖文引起唔少網友認同，留言稱「放工時間日日出閘都要排長龍⋯⋯仲要未入晒伙」、「諗起康城站有幾細就笑左，啲出入閘機得幾部，但係啲樓密到」、「見到出閘條隊真係忍唔住笑左，講緊仲有多個期數未入伙」、「有時北角過海見個時間表show康城班次要等廿分鐘開外，就覺住嗰度一定好唔方便」。

亦有人嘲諷「樓主係人生贏家」，稱「所以樓主住公屋的確優越很多」、「公屋又贏」，不過有網友理性分析，稱「康城個優點係新樓靚會所，但缺點係太過追求供應，而忽略整體社區環境（幢幢70層圍城）、民生配套（太少商店同文康設施），當十年八年前啲人已經批評將軍澳過度傾斜商場同天橋模式發展，康城就係將呢樣野推行到極致」，不過該網友直指人人生活方式不同「有啲人的確出門只係返工放工，連買野都只靠網購唔落街，咁的確康城係無咩問題」。