港女約男友平安夜Staycation 當日發現月經到慘被一句話放飛機｜玩樂熱話

平安夜Staycation女友因嚟M被放飛機

最近有網民在Dcard討論區發文，事主表示本身平安夜約了男友去行街，夜晚再去酒店食自助餐，順便Staycation，怎料第二日早上發現經期到，事主向男友直言「今日嚟M，唔想行咁耐街，點知男朋友直接話，你嚟M咁出嚟仲有咩意思」。

男友一句話直接甩底

事主十分迷惘，完全無料到男友想直接爽約，不過有網民覺得男友去Staycation，目的是想發生性行為，所以樓主經期到無法進行，就覺得失去Staycation的意義，「你目的係行街食飯Staycation，佢目的係性行為，冇得就唔出了」、「叫你唔好出嚟，佢今晚會搵個無嚟M嘅」。

男友無體諒女友經期到

有網民覺得男友無體諒樓主經期到，建議分手解決，「分手啦，叫佢搵停咗經嘅女」、「難聽啲講，佢當你係sp，而唔係女朋友」、「你要了解下，佢係唔係真心愛你」、「仲唔分留嚟新年開年啊？嚟唔嚟m見呢啲人都沒意思啦」、「拍拖剩係得做愛？ 分手啦」。

網民建議可稍為改變計劃一齊過

有網民覺得樓主如果經期到，稍為改變計劃都可以一齊過平安夜，「換轉我，會試吓諗法子改改活動模式，行街時間可以調節吓，會陪你好好休息。酒店煲吓糖水，一齊睇吓戲。女仔來M身心都有影響，男人體諒吓」、「咁咪食buffet，同住返晚，佢係唔想出定係唔想行街only」。