巴士乘客拒將$20車費入錢箱！車長處理方法獲網民力撐：一掂就死｜網絡熱話
廣告
雖然現在巴士車費支援各種形式的電子支付，但仍然有不少人會以現金付款，正確做法就是準備足夠車費再入落車內錢箱。日前就有一名巴士乘客投入車費時，該$20紙幣並未有放入錢箱，但乘客未有理會並上了上層，司機於是上去要求他下去把車費入好，乘客拒絕，司機最後只能這樣處理！
巴士乘客拒絕自行將$20車費入落錢箱
日前有網民在Facebook群組「是日快快-巴士即日相」發文，指當日有乘客乘坐車費$21.8的962X號巴士，他上車時投入一張$20紙幣及$1.8的散銀入錢箱，然後就上了上層坐好，及後司機發現$20紙幣夾在錢箱口，未有跌入錢箱內，於是司機就上去上層要求該名乘客親自再把錢幣放入錢箱內，但該乘客指自己已付了足夠車費，因此拒絕茖下一層把錢幣放入錢箱。
司機報警處理、乘客受阻約40分鐘
發文者指，「全程車長有禮貌，上去請佢落嚟張廿蚊紙放入錢箱」，但乘客堅拒，無計可施之下車長只能報警處理，而在警察來到處理之前，車長把巴士停在一旁，該輛962X號巴士正由銅鑼灣入屯門，因為這件事，全世界都被逼停在原地等候，後來巴士公司安排了另一架巴士讓乘客「過車」，發文者指「乘客受影響，中環班客等咗40分鐘，仲要罰企入屯門」。
網民力撐車長做法：一掂就死，擺街有理
雖然司機的處理方法令全車乘客被逼在原地等候及需要「過車」，而令到部份乘客由「有位坐」變「罰企入屯門」，但大部份乘客都支持車長的做法，指車費未有正確投入錢箱，不能算是已付款，更有網民指假如該乘客「好似溪錢咁掉，之後話入咗」，難道又真的算有付車費嗎？也有網民指出「擺張廿蚊紙喺度，之後去報台話交咗張編號係AB12345嘅銀紙畀車長，話係失物」，假如當時車長接觸過錢幣，就有機會被懷疑是偷竊，直言「一掂就死，擺街有理」，支持車長的做法。
圖片來源：《消失的情人節》劇照、FB@新巴城巴 NWFB and Citybus、Facebook群組「是日快快-巴士即日相」
