【工廈食玩王】葵興 $198 長腳蟹任食！

Aug 1 2015

大家成日都係去葵芳啲商場行街，但其實葵芳隔離個站，即係葵興站，附近嘅工廈入面都有好多嘢食同玩！$198任食長腳蟹同安格斯牛Shabu Shabu、$10試食生蠔、$100任玩桌上足球4個鐘、仲有得行素食超市同有得整蛋糕！節目咁豐富，快啲跟我地起行！

工廈林立葵興站

今次要帶大家去玩嘅工廈群，雖然唔係一出地鐵站就到咁近，但係都算易去，葵興站A出口一出，過馬路上天橋，行6-8分鐘，就可以去到大連排道同工業街附近嘅工廈，展開食玩之旅！

11058496_10153413738320469_467148739521494217_o — A出口一出，就直上呢條天橋。

11754480_10153413738960469_6353229055295715515_o — 落天橋，行多幾分鐘就到啦。

1. 美華工業大廈

6樓$198 長腳蟹任食！

喺呢間私房料理自助餐廳，俾$198(另收加一服務費)，長腳蟹、青口、安格斯牛肉Shabu Shabu任食，飲品又係任飲，可以揀06:30pm或07:30pm入座，食2個鐘，係幾吸引嘅，到底好唔好食？依家話你知！

如果加碼，俾$286/位(另收加一服務費)，食Buffet之餘，仲有海鮮私房料理食，有磯燒鮑魚、鐵板蝦碌等。 — 如果加碼，俾$286/位，食Buffet之餘，仲有海鮮私房料理食，有磯燒鮑魚、鐵板蝦碌等。
(另收加一服務費)

滿4個人以上，叫$286/位個餐，仲有海鮮冰山同刺身船送，睇落都幾豪喎！ (另收加一服務費) — 滿4個人以上，叫$286/位個餐，仲有海鮮冰山同刺身船送，睇落都幾豪！
(另收加一服務費)

總括嚟講，呢個$198嘅自助餐，收埋加一，都係200幾蚊，就有得任食長腳蟹同安格斯牛肉，唔算係靚貨，但都無乜伏，又坐得幾舒服，呢個價錢算係抵啦！但就要留意返，$198呢款自助餐優惠，只有星期日至四先有，星期五、六嘅話，就無呢個優惠啦。

和藏
地址：葵涌華星街1-7號美華工業大廈6樓D室（顯示地圖）
電話：2481 6028
營業時間：星期一至日06:00pm-10:30pm

13樓 $10試食生蠔！食日本原個水果雪葩！

除咗＄198自助餐之外，同一棟工廈入面，有間有生蠔同埋各種冰鮮食品嘅專門店，有＄10生蠔試食優惠，到底係咩生蠔？負責人就話要睇時令，次次都唔同，今次試就有法國特級Fine De Claire，不過每人只能食一次10蚊蠔，想食下一隻就要俾返原價($21)啦！同場亦都有得食日本原個水果雪葩同埋阿根廷紅蝦刺身添！

法國特級芬大奇蠔一入口有好重海水味，比較鹹，肉質幾爽。 — **法國Fine De Claire蠔原價：**$21/隻試食價：$10/隻
一入口有好重海水味，比較鹹，肉質幾爽。

日本原個水果雪葩 (菠蘿$50/個、蘋果$37/個) 菠蘿雪葩有菠蘿香，但味道偏甜；蘋果雪葩口感幼滑。 — **日本原個水果雪葩 (菠蘿$50/個、蘋果$37/個)**
菠蘿雪葩有菠蘿香，但味道偏甜；蘋果雪葩口感幼滑。

阿根廷紅蝦刺身 $48/6隻蝦肉爽口，味道鮮甜。 — **阿根廷紅蝦刺身 $48/6隻**
蝦肉爽口，味道鮮甜。

Ocean Three
地址：葵涌華星街1-7號美華工業大廈13樓B座（顯示地圖）
營業時間：星期一至日 11:00am-09:00pm
電話：3421 0103

2. 金基工業大廈

8樓有個素食超市

之前介紹咗咁heavy嘅海鮮牛肉自助餐，我地都會照顧返鍾意健康素食嘅朋友，呢個超級市場，佔地唔大，入面賣嘅全部都係素食產品，由零食、飲品、急凍食品，至到醬料都有，都幾全面。畀個Tips大家，購物滿$500，仲可以免費成為會員，以會員購物添！

_15K0673 — 雖然佔地唔大，但店內燈光柔和，貨架排得幾整齊，可以慢慢睇，買夠$500就可join會員。

純素菲力牛扒原價：$51.50、會員價：$46.4 解凍後煎香，食落口感幾紮實，幾濃味。 — **純素菲力牛扒原價：$51.5、會員價：$46.4**
解凍後煎香，食落口感幾紮實，幾濃味。

山葵芝士丸原價：$31.2 會員價：$28.1 啱打邊爐食，一咬落去會有芝士芥辣汁咇出，嚟，唔太辣，但味道幾刺激要攤凍少少先食，以免燙口。 — **山葵芝士丸原價：$31.2 會員價：$28.1**
啱打邊爐食，一咬落去會有芝士芥辣汁「咇」出嚟，唔太辣，但味道幾刺激。

素雞包原價：$35 會員價：$31.5 餡料幾足，味道甜甜地。 — **素雞包原價：$35 會員價：$31.5**
餡料幾足，味道甜甜地。

檳城素白咖喱麵原價：$41.2 會員價：$37.1 白咖喱湯底充滿椰香，不過味道較濃同鹹，啱愛「重口味」嘅朋友。 — **檳城素白咖喱麵原價：$41.2 會員價：$37.1**
白咖喱湯底充滿椰香，不過味道較濃同鹹，啱愛「重口味」嘅朋友。

分解茶原價：$9.9 會員價：$8.9 含沖繩山苦瓜精華，有助解油脂，飲落甘甘地，無苦味，幾易入口。 — **分解茶原價：$9.9 會員價：$8.9**
含沖繩山苦瓜精華，有助解油脂，飲落甘甘地，無苦味，幾易入口。

甘薯葉素食超市
地址︰葵涌大連排道35-41號金基工業大廈8樓（顯示地圖）
營業時間︰星期一至六 09:30am-07:00pm；星期日 10:00am-06:00pm
電話︰2485 3423

16樓上親子蛋糕班

介紹過食嘅、玩嘅、買嘅，葵興工廈其實仲有學嘅！呢間Workshop有各種蛋糕課程，媽咪爹哋可以帶埋小朋友學整公主蛋糕同埋Minions cupcakes，咁又過一個下晝啦！

公主蛋糕班 $680 (2小時) 可以整一個「Let eat糕」Elsa公主嘅1磅蛋糕。 — 公主蛋糕班 $680 (2小時)
可以整一個「Let eat糕」Elsa公主嘅1磅蛋糕。

Minions cupcake班 $260 (1.5小時) 可整6杯Minions翻糖cupcake。 — Minions cupcake班 $260 (1.5小時)
可整6杯Minions翻糖cupcakes。

漸變玫瑰cupcakes班 $260(1.5小時) 可整6個漸變色奶油玫瑰cupcakes。 — 漸變玫瑰cupcakes班 $260(1.5小時)
可整6個漸變色奶油玫瑰cupcakes。

G&P Baking Home
地址: 葵涌大連排道35至41號金基工業大廈16樓H室（顯示地圖）
營業時間: 11:00am-8:00pm
電話:94478787
網址：http://www.facebook.com/gp.bakinghome

3. 美安工業大廈

15樓 $100玩桌上足球4個鐘

第一次上Party 15，記者以為自己去錯地方，事關門口無招牌，就咁睇，仲以為係倉嚟！問負責人Gary，原來佢地想個門口保持神秘，等啲人一入到去Party Room入面，就好似去咗另一個世界咁，有個對比。如果記者唔係膽粗粗打開度灰色門，都發現唔到呢個地方！呢度裝修唔算靚，但勝在夠抵，閒日每人$100，就玩足4個鐘，比起出面豪裝嘅桌上足球場平3倍價錢。