18歲兒子坦承愛上家中工人姐姐！港爸超開通：唔介意佢做新抱！｜網絡熱話

18歲仔愛上工人姐姐！

最近有位港爸於網上發文表示，18歲的兒子主動向他分享感情煩惱，坦承喜歡上23歲的工人姐姐，但就不知如何向工人姐姐開口示愛，更煩惱應否表明心意：「唔知點開口好，應唔應該暗示比工人姐姐聽？」。

開明港爸：唔介意工人姐姐做新抱

港爸與兒子感情一直不錯，阿仔自小就會與他分享心事。對於兒子的感情，阿爸亦表示支持，「佢真係鍾意我都唔會阻止佢」，非常開通。這位港爸更表示工人姐姐來自菲律賓，性格乖巧，仲要幾靚女，自己與妻子都不介意工人姐姐做新抱。

港爸怕「姐姐不喜歡兒子」 決定幫阿仔打聽！

只是怕工人姐姐並不喜歡兒子，所以打算日後向姐姐打聽一下她的想法，「我都要同佢傾下睇佢鍾意咩男仔先」。

網民意見不一

此帖引來大家的熱烈討論，不過網民的意見有相當兩極！有部分網民就大讚港爸非常開明，亦很尊重兒子的意見。更有感性的網民表示愛情是盲目的，「愛上就是愛上了」，直言根本無法去控制。但亦有網民提醒港爸需要先與兒子溝通，始終他還少，經驗不多，心也未夠成熟，怕他根本分不清喜歡和好感的分別。

但另一部分人就表示反對，指若兩人真的在一起，情況會很尷尬，網民都指出了多個問題：「到時邊個照顧邊個」、「家中的家務裹可以叫工人姐姐做嗎？」、「如果分咗手咪面阻阻」等。清醒的網民更指出兩人始終有身份的阻礙，僱主與僱員拍拖實在不太好，勸喻港爸叫兒子等工人姐姐完約後才告白。更有人叫港爸索性換工人姐姐，把感情扼殺於萌芽時！

資料來源：Facebook群組＠香港僱主討論區(外傭/鐘點/陪月/本地ee)