打工仔夾硬譯山頂英文鬧出笑話 The Peak變成XXX結局超爆笑！

Q: 呢位香港打工仔網上投訴什麼？

返公司claim的士錢，但會計部同事竟然不知道山頂的英文名字是什麼... 詳情

Jul 13 2023

山頂景色優美，夜景更是迷人，不少人都會上山頂欣賞美景。早前有人分享返工奇聞，表示自己返公司claim送貨用的士錢，怎料小額現金部的同事於申報表上將「山頂」直譯成英文，搞到公司要打電話問樓主究竟送貨到那一個山頭，網民爆笑之餘更懷疑該位同事並非於香港土生土長！

打工仔claim錢失敗原因勁搞笑會計部同事香港地名夾硬譯

呢位打工仔早前於「奴工處」專頁投稿，由於早幾日需要搭的士上山頂送貨，所以需要向公司claim錢，但公司同事竟然「打落嚟問究竟係邊個山」，因為全香港只有一個山頂，搞到樓主成頭黑人問號，追問下才發現原來小額現金會計部同事在申報表打上「the top of the mountain」而唔係「The Peak」，才會造成這樣的誤會，都唔知好嬲定好笑！

山頂打工仔香港辦公室真係咩人都有。 — 香港辦公室真係咩人都有。（圖片來源：《Start-Up：我的新創時代》）

網民：佢邊度鄉下？

原來「騎呢同事」非常常見，樓主分享後引起網民同感及回應，一起分享公司的奇人趣聞！例如有不熟悉香港英文街道名稱的同事，見到英文地址只能夠用Google翻譯，例如Wood Road（活道）譯成「木頭道」，Leighton Lane（禮頓道）譯成「牧場道」；又有同事出差到英國，「扮公」期間到大笨鐘觀光，但竟然同的士司機講要去「stupid clock」，可謂醜出國際！

山頂打工仔遇到懵盛盛嘅同事都唔知好嬲定好笑。 — 遇到懵盛盛嘅同事都唔知好嬲定好笑。（圖片來源：《愛．回家之開心速遞》）

但原來mountain 有高度限制，海拔600米以下又沒有拔尖山頂其實一概稱為丘陵（Hill），太平山山頂高552米，嚴格來說不能稱為山。有熟悉香港的網民則指出其實山頂字義字面上亦非常含糊，太平山亦有多個山峰，而樓主所指地方全名應為扯旗山爐峰峽；更有網民找出1985年政府地圖，列明山頂除了「The Peak」之外，Shan Teng 作為音譯亦是可接受的英文名，總而言之連音譯英文都比「the top of the mountain」強！正因為咁有網民懷疑呢位會計部同事並非香港長大，如果唔係小學時英文堂已經有教地方英文名，不知道「山頂」英文名的確強差人意。