山頂纜車｜新人為拍婚紗相時多次按鐘 到站後卻無人落車惹狠批！
廣告
婚紗相、求婚戒指、結婚戒指同樣重要，但最近有網民分享一條山頂纜車的影片，指搭纜車途中，有人不停按鐘，令纜車多次在中途站停駛，卻無人下車，纜車職員懷疑是車上的婚紗攝影公司，為幫新人拍婚紗相而多次撳停纜車影相。
為拍婚紗相搭纜車時多次按鐘
影片可見纜車駛至白加道站後，因有人按鐘所以到站後纜車在該站停駛，不過一直沒有人下車，有纜車職員問「有無人撳百加道呀，你依家上去有無人撳百加道呀，你留意下呀，我諗係結婚嗰條友撳呀，佢又撳咗落去，喺度影相我諗佢，不過你都冇辦法㗎啦，不過提一提你姐冇嘢嘅，頭先嗰車都係呀，係佢撳㗎啦，跟住我上去，我撳咗白加道睇，係佢哋嚟啦！」。
停駛後無人落車
不過有網民認為纜車主要都是觀光用途，所以為拍結婚相而停駛都無問題，「這條線今時今日係觀光 / 娛樂用，唔係趕返工返學用，所以只要無違反公司指引，例如車廂內影商業相要預先申請，又或故意阻開車，基本上乘客都應該無所謂，甚至可以坐耐啲仲好，公司亦唔應該會有不滿，相出了街都係一個宣傳」。
網民力撐停駛影相無問題
有網民覺得該新人不會故意按鐘，而是有需要為拍攝而按鐘。「有人上落車，或有人影相，兩者同樣， 都係一種需要。同一情況下，有人按錯早了一個站的鐘，應唔應該落車，以符合自己按了鐘的行為？定還是厚着面皮不落車呢？我未搭過，真係唔知，原來纜車預設係會飛站，需要按鐘才會停」。
網民：其實個站可以Cut咗佢
亦有網民食花生指，「包起成條纜車線全日咪可以任影囉，冇嘢係錢解決唔到，只有唔夠多錢」、「其實個站可以Cut咗佢，白加道班人邊會搭纜車」、「呢個站係咪真係會有人上車落車」、「咁平時真係有人要停嗰個站會點？司機因為咁無得抖？ 定係下一班纜車要遲開？」。
圖片來源：連登截圖、YouTube@ Hong Kong Breaking News、《愛回家之開心速遞》劇照
