殘舊磚牆浴室變高級雲石風 用一日時間即可改造 屋主：用呢樣工具又平又快
廣告
每個人都想自己屋企又靚又舒服，有時更想改變風格，多點新鮮感，其實落手DIY都得！近日有網民分享自己動手改變廁所風格，更揚言自己只用了一種物料，就可以將廁所大改造，又平又快捷，只用一日時間就把殘舊醜樣的浴室變得相當有風格，網民看完都要向對方「取經」。
殘舊浴室一日變雲石格調風 屋主：只要用牆紙就得
從相片可以看到，廁所原本是磚牆，在靠近天花位置有疑似油漆痕跡，而吊櫃亦是較為老套的淺藍色，整間廁所裝飾都比較舊式。但網民卻指自己花了一日時間，用牆紙將家中廁所改變風格，除了假天花與鏡櫃、洗手盆是找香港師父整之外，其餘的都是屋主親手做。
屋主用一日時間親手改造：又平又快！
改造過後，整個廁所變成以灰黑色為主，牆身為灰色大理石紋，淺藍色櫃亦變成鏡櫃，收納空間都變大。而洗手位置則變成全新的洗手盆連櫃，同樣都是大理石。淋浴位置有部分磚身變成幾何圖形，類似特色牆概念，而牆身都裝上不少掛架，方便屋主掛衣服。
不少網民都大讚屋主手勢好，貼得好靚，又不會太假，大讚「至叻係你啦」、「真係好犀利，但有啲位點樣避開喉管可以貼到咁靚」、「舊式廁所變身為酒店廁所」。但亦有網民都擔憂在廁所貼牆紙會較易發霉，而且當換款時難以撕下貼紙，不過屋主指自己已經改造過兩次，沒有出現發霉的情況。
資料來源：家居裝修分享谷
圖片來源：FB@家居裝修分享谷
