尖沙咀性感內衣女子大廈外牆逃脫超驚險！警方證實為泰籍男子｜玩樂熱話

Q: 尖沙咀寶勒巷發生什麼事？

於發利大廈外牆一名女子從外牆爬下， 場面驚險，仲差啲... 詳情

Sep 22 2022

今日下午於尖沙咀出現空中女飛人驚險畫面！網上流出影片中，位於尖沙咀寶勒巷發利大廈發現一名中短髮女子，據知遇上警方「掃黃」，所以女子身穿吊帶睡衣於一樓窗口爬出，並試圖沿着外牆爬下至地面，途人見狀嘩然四起，但見多名熱心人士上前幫忙，事主終於成功落地。事件引來廣大網民熱烈討論，並提出多個唔同對事件的猜測，而「女子」更被證實為泰國籍男子。

尖沙咀出現空中女飛人！大廈外牆逃脫超驚險大班熱心男士「幫手」成功着陸

由片中可見該名女子身穿白色吊帶睡衣裙，從大廈窗口爬出後滯留於簷篷上，後來鼓起勇氣握緊外牆水喉跳下一樓冷氣槽上，驚險萬分。但最恐怖的是後來她嘗試腳踩7–11店門燈牌落空後，竟然心口一個「勇」字一躍而下至路口警告牌上，警告牌只是一塊薄鐵，眼界差少少都隨時從兩腿中間一開為二，身邊途人此時紛紛上前幫忙從牌上落地，並與其他人護送下於加連威老道方向離去。

尖沙咀嘗試踩燈牌單但失敗。 — 嘗試踩燈牌單但失敗。（圖片來源：FB@車cam L）

尖沙咀點知咁都俾佢跳到！ — 點知咁都俾佢跳到！（圖片來源：FB@車cam L）

尖沙咀呢一刻覺得香港真係好多熱心人士。 — 呢一刻覺得香港真係好多熱心人士。（圖片來源：FB@車cam L）

網民：搶籃板咁喎

目擊者同網民除咗食花生之外，更猜測事情的來龍去脈。片中聽到有人表示樓上其實是「架步」，即是色情場所，當時應該有人查牌，逼不得已才會爬牆走人。有網民則搞笑指香港充滿熱心好市民，特別是男性都熱愛助人；有人更指出「唔覺佢有着底褲」，「下面班麻甩佬好似搶籃板咁」，直言「如果派落嚟嘅係一個麻甩佬相信下面唔會有咁多人接着」。

有手快的起底組則找到疑似爬牆的當事人，有人則表示「之前都係同一位置見過一次」，當時女子直接跌落地，但無受傷自己企起身行開；其他網民開玩笑認為場面似拍電影，以為是《大丈夫2》的其中一畫面，又或者其實女飛人是冷氣師傅！有人則認為職業無分貴賤，即使對方於色情場所工作，生活艱難大家亦冇必要取笑，造成二次傷害。