女生搭小巴被陌生男4度騷擾　翌日再私訊死纏爛打　網上警世反被質疑

港女搭小巴慘被觸碰敏感部位　鄰座男換位再拍膊頭問拎IG

近日，有港女在搭小巴慘被男乘客騷擾，事後決定把事情經過放到社交平台的STORY上分享，警剔大眾。事源她搭小巴上車時無意地與一男子對望，女事主上車後直行車尾位置坐下，而該男子坐在車頭，當小巴在等客期間該男子突然走到車尾，並坐在與女事主同一行的單人位，隔幾分鐘後又突然坐到事主旁邊。之後又突然拍事主膊頭稱女事主手袋「阻住佢」，女事主聽罷便拿走手袋。豈料該男乘客「係咁黐埋嚟」、「又突然之間拍我膊頭問我攞 IG 」，令她非常驚嚇。

一連串動作令人不安　搭膊箍頸險錫頸

在這個情景下，女事主並未有拒絕交換 IG，惟之後該男子的行為更加大膽，女事主指「突然間佢隻手搭左落嚟我膊頭，然後成個人挨咗埋嚟，甚至兩隻手一齊cool住我條頸」、「佢個嘴仲要貼住我條頸，我唔肯定佢有冇錫落嚟，連帶佢好大聲嘅呼吸聲」，之後更一直追問女事主「去佢屋企附近食宵夜訓陣覺先再返去」。由於當事女事主聽到對方說話感到非常不安，因而最後極速下車，可惜最後被該男子「摸 pat pat」，下車後跟即與男友哭訴。

男生事後私訊女事主　被公開惡行復再被揭並非初犯

女生的好友在連登上 出POST 斥對方為「狗公」，指事後男生主動 DM 事主，指自己當晚小醉才失態，之後更想再約女主出來。然而女生根據他當晚的行為認為他是借醉騷擾，力斥他的行為，男子才打道「對唔住啊！如果有冒犯到你嘅話」便沒有再回覆，事主更收到大量 DM 指該男子已不是初犯「個朵好臭搞過好多人」，公審對方。

網民：肯畀 IG 扮咩畀人騷擾

雖然事主的朋友把所有對話在討論區公開，但一眾網民卻似乎有不同的見解，指出「之後佢唔想被佢繼續煩就俾咗IG佢，好明顯事主有責任」，「正常見到咁嘅都應該保持距離，事主竟然願意主動比機會人進一步」、「你驚都識得閃開嗌唔好但又咁順灘俾ig」、「俾得ig 即係姣婆遇著痴漢」、「煩就要俾？我煩佢係咪俾我X埋？」、「越睇越似借刀，啲女不嬲好蠱惑」、「事實可能係條仔同條女喺巴士上面互flirt仲交換埋IG，畀男朋友發現之後條女就死口唔認話畀人非禮」，認為是女生的問題。

「好心收下把口，你唔係當事人根本唔明」

女生遇到騷擾情況，竟然反被指「自己攞嚟」，有不少人聽到都非常震怒！「其實一個女仔突然遇到呢啲事，第一時間已經好驚同好怯，唔係個個人都識得有勇氣去對所有事Say No。你講就容易，如果你身陷險境都唔知可以即時點做，而家唔係拍緊電視劇，唔好再鬧受害人，咁樣同幫兇根本無分別」、「收吓把口唔會少咗忽肉，人哋公開呢件事就係要話畀多D人知要提防佢，唔係畀你食花生咁睇」、「唔該呢啲『狗公』躝返去自己個竇到啦」。