酒樓拒視障人士帶導盲犬「食客驚食到狗毛」全場得10歲小朋友發聲｜網絡熱話

酒樓拒導盲犬內進！職員：要入狗袋！

導盲犬受過不少層面的訓練，能夠幫助視障人士出外，而香港不少地方亦可讓導盲犬內進。不過最近有人於「生仔要考牌系列」投稿，指早前去到一間酒樓飲早茶，就發生了拒絕讓導盲犬內進的事件。投稿人表示因為自己坐在近門口，因此目擊到事件發生。他指當時有個視障人士，拖住隻寫有「導盲犬」字眼的狗，並想進入茶樓，而有個廣東話不太正音的茶樓職員就問「有冇帶車或者狗袋？」聽到呢句，投稿人已經覺得大狗用狗袋也不太合理。

10歲小朋友見義勇為幫視障人士發聲！

後來視障人士開聲指不用狗袋，因為是導盲犬，受過訓練不會咬人也不會騷擾人，不過職員堅持指入內的話，必須要有狗袋或者狗車，正當投稿人想開口幫視障人士時，卻有一個大約10歲的小朋友大聲指「導盲犬可以入餐廳㗎，唔使用寵物車」面對小朋友那堅定的口吻，職員就退一步指問問經理。

被老人家嫌棄！10歲小朋友：唔使理佢哋

經理來到後，就指可以入內，不過希望視障人士快點食完，以免遇上食環來到巡查。而在場的公公婆婆似乎也不太喜歡導盲犬，露出嫌棄眼神，更開聲指「怕食到狗毛」，令投稿者覺得非常不尊重。不過當視障人士經過小朋友時，小朋友指「唔使理佢哋，隻狗狗好可愛。」一句說話令人暖心，而小朋友的媽媽亦摸一摸他的小臉，大讚叻仔。

暖心行為網友大讚叻仔！

而投稿者亦非常佩服小朋友的勇氣，能夠見義勇為，同時更上網查了食環條例，確認導盲犬就可以入內。而不少網友都大讚囝囝叻仔，更指媽媽也教得相當好。有人卻認為投稿人應該要開酒樓名，但他指自己不想將焦點放在酒樓上，因此沒有開名，更指「無知的人可恥」。

資料來源及授權：生仔都要考牌網站、「生仔要考牌系列」FB