自問文筆好就把握機會 寫篇文就有機會贏走近4千呎豪宅
廣告
如果你認為香港太有壓逼感令你唞唔到氣，又或者對於買樓係毫無希望嘅話，機會嚟喇飛雲！而家有得參加比賽贏走豪宅，即刻睇下點玩啦！
3層湖畔豪宅共3,850呎，內有3間睡房、酒窖、坐擁山脈全景、池塘，景色一流！
豪宅古典味十足，華麗裝修顯得格外有氣派。
參加者要支付25加元（約118港元），並以350字以內，用書信形式回答問題：「為甚麼搬到這個夢想的湖畔豪宅可以改變你的生活？」（Why would moving to this lakefront dream home change your life?）
豪宅女主人指呢幢豪宅有佢同家人幸福生活嘅回憶，但係由於自己健康狀況開始下滑，所以決定「送」出豪宅。
不過大家要注意一點，假如參賽者唔夠6萬人、報名費加起嚟唔夠170萬加元（約1,000萬港元）、將大宅放售又或者佢中途死亡，比賽就會被取消。但係如果比賽期間咩事都無發生，咁截止日期將會係原定嘅2019年4月5日。
不過有網民就認為豪宅主人只係想賺報名費，覺得佢無可能一個人睇6萬份作品，如果大家想參加就要考慮一下呢個問題喇！
