媽媽旅行大女代煮飯被家人嫌棄呻心累：收工煮飯又洗碗｜網絡熱話

女兒替工煮飯 味道被指「豬都唔食」

日前，孝順的女事主在討論區發文，指最近媽媽去了旅行，女事主為了家人可食無味精兼經濟一點的家常飯，她在放工後趕著準備每晚的晚餐，經已十分疲倦，豈料，「阿爸同阿妹仲嫌三嫌四，又話不想食呢樣嗰樣，又話煮得唔夠味」；女事主又指他們不肯自己煮之餘，爸爸還口不擇言地指責：「攞去餵豬，豬都唔會食」。

放工後又煮又洗 不被欣賞反被責難

女事主續指，百忙之中還親自下廚煮，甚至負責洗碗，又表示她自嚐出品，「我自己都有食，其實都好味呀，正正常常」，又指家人寧願叫外賣；家人的反應浪費了女事主的一番苦心，她不禁想起媽媽，「突然明白阿媽平時煮飯原來係咁辛苦㗎！」

網民替女事主不值 提醒要珍惜媽媽的好

帖文惹起網民熱議，紛紛勸女事主不要再做吃力不討好的事，「下次煮比自己食」、「你有兩個選擇，拜阿媽為師或以後打死都唔煮」，女事主回應「真係煮到心很累，等阿媽去完旅行返嚟我就唔會煮」；另外有網民提醒女事主，「知道阿媽平時辛苦就要多幫手減輕下」，女事主直言「以後會㗎喇」。

網民認同爸爸妹妹不知感恩

另有網民不齒爸爸、妹妹的「奄尖腥悶」，「咁叻，攞去餵豬都唔畀佢哋食」、「最後有無食你整嘅嘢先？有就唔使理佢哋啦，反正豬唔食嘅佢哋都食到，即係實際對食物無要求啦」、「請2位屋企人各負責煮飯1天，就會知道當中的不容易」。

原文：

資料來源：香港討論區