好人好事｜婆婆深水埗街頭執祭品食用！暖男講大話送飯盒兼送關懷｜網絡熱話

暖男街坊偶遇婆婆執祭品

日前，該名深水埗街坊暖男在歸家途中，買了一盒燒味飯打算回家充當晚餐，看到一名婆婆在路邊執拾「農曆七月燒街衣」祭品，並用已有破洞的膠袋將祭品裝好，似乎打算留來稍後食用。

善意謊言送飯盒顧及婆婆感受呼籲有能力者伸出援手

事主看了一會後，決定上前與婆婆多加了解：「婆婆食咗飯未呀？」她回答說：「要等人哋收咗工先有得食。」與此同時，事主留意到婆婆帶著兩個明顯多次重用的口罩，事主意會到婆婆的生活可能比較拮据，故撒了一個善意的謊言，指自己買了飯盒卻「唔得閒食，幫吓我咪嘥咗佢」，提出送飯盒給她吃，婆婆頓時感到驚訝，卻仍然欣然感謝及接受了飯盒。事主及後再去張羅其他食物充當自己晚餐，又折返剛才遇上婆婆的位置，「見佢不停食緊個飯盒」。他隨後發帖分享此事，呼籲有能力的街坊伸出援手，「幫幫忙留意吓佢，行過又可以的話就幫吓。」

好人好事感染其他谷友

帖文獲大批谷友讚好，而且獲其他谷友積極附諸行動幫助區內長者，「有樣學樣，我老公頭先拎咗兩盒口罩畀婆婆，原來婆婆真係唔知去邊度可以拎口罩」；同時有谷友讚賞他的善意謊言顧及了婆婆的感受，「樓主嘅藉口作得好好，令婆婆唔會覺得係施捨咁難堪」、「你讓婆婆感到被尊重和關懷」、「樓主講個善意嘅謊言，係照顧返婆婆嘅自尊心」。

資料來源：FB@深水埗街坊會