姜濤個人紀錄片首集釋出 解釋出負能量post背後原因 哭指：「覺得自己有抑鬱症一樣！」｜網絡熱話
姜濤個人紀錄片首集釋出 解釋出負能量post背後原因 哭指：「覺得自己有抑鬱症一樣！」
影片一開始姜濤就已經對住鏡頭自白，指：「可能你睇完呢段片，你會唔係好鍾意我。」，又指如果原本對姜濤都有愛的粉絲，但透過影片的紀錄可能會令人明白真正的姜濤是誰，從而變得討厭姜濤。但他亦指不要緊，因為他就是想讓人認識真真正正的姜濤。
肥仔：「佢係一個不知廉恥嘅𡃁仔」
影片接續都紀錄了姜濤與肥仔一同排舞的畫面，肥仔在鏡頭前指姜濤是「不知廉恥嘅𡃁仔」，又指姜濤已經進化，不再是以前的他。肥仔指有一次排舞師說練舞室的燈光太過耀眼，而姜濤直言：「因為我喺度」，肥仔認為姜濤比以前囂張，事關以前的姜濤不會如此說話。不過兩人全程都是以講笑方式去對話，肥仔也並非真的有心責怪對方。
打完波唔想同Fans合照係因為…
鏡頭來到姜濤於維園打波的場面，可見他打波時十分認真，他又指自己「認真打真係唔會留手」。其後他指自己打波時會有Fans等待，希望他打完之後能夠合照一張，但姜濤就指因為怕自己打完波污糟，所以不好意思與Fans合照，所以他會突然與朋友跑走，以防Fans跟著。
親釋負能量post真相
姜濤曾於5月20日時出了一個「I’m tired of everything」的負能量IG post，他親釋其實出post當日都沒有任何異樣，由早上化妝到拍攝前都沒有什麼負面感受。而突然有一刻情緒十分低落，再加上一年之間發生太多事，姜濤形容：「唔知點解嗰一吓好抑壓，突然之間好似有抑鬱症一樣。」，形容當時前一秒還在笑，但下一秒已經變得木無表情。
花姐大讚姜濤《Dear My Friend,》
姜濤一首送給朋友的歌曲《Dear My Friend,》獲得花姐的大力好評，指姜濤唱得好聽，而製作人都覺得姜濤在歌曲處理上的幾方面都做得不錯，更指：「花姐好少讚得你咁大力」。而花姐就指：「姜濤好似小朋友咁，讀書拎到100分跟住同同學仔分享」，最後姜濤都指：「我真係覺得自己幾好」。
「花姐係我信任嘅人」
影片最後姜濤都分享自己與花姐之間的關係，指自己雖然不會與花姐經常私底下約見面，但是自己都不時會同花姐分享自己私事，而且有些私事更是連自己母親也未必知道。最後就指：「呢個就係我信任佢嘅一個行動啩。」
粉絲心痛！
不少姜糖睇完條片後，紛紛大叫好心痛，更鼓勵姜濤可以全心做自己喜歡的事，不用一味迎合他人，更指會永遠支持他，相當感人！粉絲更指很少有這麼真的藝人，「有血、有肉、有靈魂」，更表示看完片段後反而愈愛姜濤！當然亦有不少haters留言攻擊指姜濤「賣可憐、搏同情」，但相當觀眾的眼睛是雪亮的，大家會看到事實。
撰文：WM丨圖片：YouTube@MIRROR影片截圖
