如何用理性和常識脫膠

新假期編輯部

Apr 7 2015

廣告

4月1日，膠袋徵費全港開催！在徵費前夕，已掀起一場腦「膠」戰。究竟咩袋要收費？咩袋可豁免？你唔知，但一定會面對。更有環團在網上統計，尚未計唔上網的姨媽姑姐，只有約4成受訪者知悉新制涵蓋所有零售點。做唔做到人人脫膠，仲係未知之數。環境局局長黃錦星就叫我哋用理性和常識，適應膠袋徵費。好彩，首月犯規只作口頭警告，以作過渡。

其實，每製造1噸膠袋約需11桶石油，根據環保署在2013年的資料，香港每日棄置640噸膠袋，相等於7,040桶石油！尚未計製造時所排放的二氧化碳和一氧化氮，丟棄堆填區的膠袋更要成10-20年先降解。就算有無膠袋徵費，最環保的方法是BYOB，不應再濫用膠袋!

由1/4起，只要購物袋內含膠的成分，而商品又不在豁免範圍內，統統都要收$0.5。

舊制VS 新制

第一階段2009年7月推出
範圍：約3,300個零售點，大多是連鎖店或大型零售商
徵費：$0.5/個
徵費去向：上繳政府

第二階段2015年4月推出
範圍：約100, 000個零售點，任何商戶
徵費：至少 $0.5/個
徵費去向：由零售商保留

Omg 仲用紙袋代替膠袋？

政府帶頭滅膠，有大型服裝連鎖店則計劃改用紙袋。其實，相比製造膠袋，製造一個紙袋需用多４倍能源；生產紙漿的工廠耗水量極高，水污染比生產膠袋高出50倍。

膠袋點收費?

鬼崇位要留意！

細看收費和可獲豁免的產品，坊間不少人都有疑問，以下兩例值得大家留意。

105 — 罐裝/樽裝汽水 – 冰凍食物如雪好的鮮奶、雪糕、汽水等，便不用收費。但唔凍的飲品，索取膠袋便要盛惠$0.5/個。

106 — 麵包 – 若麵包已用非密封式包裝，向店員索取首個膠袋可免費。但已密封式包裝的麵包，再索取膠袋便要收錢。

世界綠色組織行政總裁⊕余遠騁網上調查發現，仍有5成被訪者誤以為今次只喺覆蓋超市同連鎖店，顯示坊間仲未清楚今次收費。建議推行商戶可在店內豎立收費標示，避免有拗數情況出現。
綠領行動總幹事⊕何漢威今次徵費已涵蓋不少膠袋使用層面，對減膠係好事，但未必能改善用膠過多的問題。例如冷凍的罐裝汽水等，其實不應獲豁免。

延伸閱讀：
藝術展開鑼！全城人吃ART 落肚！@Charmaine

Keep住食都減到肥！3個法則你要知！

關鍵詞

環保膠袋徵費香港