身邊有好同事嗎 ? 好同事會做的7大窩心行為｜網絡熱話
廣告
小時候，每日見得最多就是身邊的家人；長大後，分分鐘見同事/老細的時間重耐過見家人或另一半。萬一遇著個乞人憎同事，真的慘過落地獄，遇上好同事真的要求神拜佛。你身邊有好同事嗎？ 以下，就一齊盤點好同事會做的7大窩心行為！
原文：新monday｜圖片：網上圖片、劇照、Instagram
盤點7大好同事窩心行為
1 . 買咖啡、零食一定預埋你，最重要是買六合彩會叫你夾份
清楚你喜歡邊一款薯片、朱古力；飲開邊種啡，加幾多糖都有晒默契。最重要是夾份買六合彩，中獎齊齊分，有福同享。
2. 肯同你講真話
跟普通同事的對話，就僅僅是圍繞工作，或是那些「你對鞋好靚喎，係邊度買㗎？」等冇內容話題。只有真心當你朋友的同事，會誠實跟你講心底話，指出你在工作上的錯處，讓你少行錯路！甚至會一齊在背後鬧老細，發洩負面情緒！
3. 「喂一齊食飯囉～」
別小看這句說話，其實聽到呢句說話嗰句人，係會好窩心。
4. 好同事放工肯出來食飯睇戲行山
如果你們的關係能從純粹同事變成能相約看睇戲、食飯的朋友，證明你們關係也不錯。
5. 幫你分擔工作
有時同事問：「你走得未，一齊行啦！」你話：「仲爭啲手尾呀。」這個時候他/她便會暖暖拋出一句：「爭咩呀？一齊幫你整埋啦。」
6. 在你忙到發癲或受委屈時叫你保持冷靜
當然都同會同你一齊鬧爆衰同事/上司/高層/客戶…… 喺你頂住條氣嘅時候，好同事就係令你開心返的靈丹妙藥。
7. 只要有他們，公司也沒那麼糟
每日要留喺辦公室咁長時間，如果冇咗一班好同事，10個8個鐘，點捱到放工呀～？
網民留言
以下留言節錄於Facebook，Office充滿衰同事是常識吧，所以遇上好同事就要好好珍惜呀～
「最慘係本來以為係好同事，原來都係你背後講是講非，挑撥離間，再巴結上司一齊攻擊你！」
「好同事多數被衰人迫走/夠期調走/退休….，得番d衰嘅同事賴死唔走」
「唔期望有好同事 只希望D同事唔好搞自己 就足夠」
「公司有條肥X係會計，又懶又擦鞋，個個都叫老細 ，轉行出來做，貼錢都無人要」
「知人口面不知心，要慎防。」
「容我感性一下，你真係難得由同事變好朋友既人，想當年拎CL去唱k的日子」
如果大家咁幸運身邊都有好同事就記得要好好珍惜，對佢地好D喇！
