新女同事畀舊人鬧爆喊！無限輪迴改文件！同事：小小壓力都頂唔順｜網絡熱話

同一份文件改5次 玩人定真錯真假未知

事主的座位在到任兩星期的新女同事隔離，目擊資深同事要求新女同事同一份文件起碼改5次以上，「今朝佢交完份文件畀帶資深同事，鬧兩句又拎返份文件返埋位再改過」，事主帶著耳機都聽到有喊聲才驚覺女同事一面改文件一面喊，事主不禁同情女同事，向她遞上紙巾。

見新同事喊遞紙巾 上司落井下石

卻在此時，資深同事撞見，不僅沒有安慰女同事，仲鬧她「喊咩喊，你唔錯咪唔使改嚟改去囉，我係咁幫你睇我都未喊呀！」令女同事連忙忍著淚收聲，低頭繼續改文件；令事主不禁感慨職場辛酸：「出嚟做嘢就係咁，做錯嘢唔係每個人都咁好會錫住你嚟話，出嚟做嘢第一樣要學嘅應該係抗壓能力至少唔好係咪都喊先？」又擔心 「不過咁搞法，唔知女同事會唔會好快唔做？」

舊人玩新人的招數層出不窮

網民分享衰上司、資深同事玩殘新人的經歷，「交文件畀上司，有咩錯一次過睇晒，邊可能改咁多次，肯定係上司A一睇到錯就鬧佢改，根本無睇晒份文件」、「廿次都聽過，唔會一次過改晒，係每次3、4個，無限輪迴」、「我公司真係有老海鮮玩新人，成日用呢啲招迫走新人，捱唔過半年，老海鮮唔教新人，又大大聲鬧人、屈人唔記得、唔做，老海鮮仲成日跳草裙舞，又擦掂鞋，次次都留，令新人走時唔敢篤佢出嚟」。

原文：

資料來源：香港討論區