惡霸女司機連cut三線撞巴士仲要反屈車長！網民怒轟事主態度惡劣！

惡女司機連cut三線仲要鬧車長

最近有網民在YouTube「車CAM特警」上載一條影片，片中見到一輛白色私家車在馬路行駛時，突然連切三線，令向前行駛中的巴士要急停。車長即時響咹，更鬧爆私家車司機「嘩！癡X線」，其後司機多次響咹，疑引起對方不滿，令女司機落車向車長理論。

做錯繼續惡人先告狀：「你踩快啲吖嘛」

車長指對方「咁樣插埋嚟都有嘅」，女司機反怪責車長「你踩快啲吖嘛」，車長即時怒轟對方「你cut線㗎，我踩快啲，我行緊正線㗎」，女司機理直氣壯指「係呀！我係cut線呀！咁係你行快啲，你都cut緊線㗎」，車長怒斥對方「我cut緊線？你識唔識揸車㗎，阿姐」。

網民：阿嬋開車、唯我獨尊

私家車女司機與車長繼續理論，其間有途人勸二人不要在馬路理論，最後提出報警處理。影片在討論區流傳，引來不少網民一致大鬧女司機態度惡劣，指她做錯依然惡人先告狀，「阿嬋開車、唯我獨尊」。

網民撐巴士司機無做錯

影片在網上瘋傳後引起不少網民熱議，有網民覺得報警，讓警察處理就可以，「車長我支持你，不用同他講這麼多，最好報警」、「立刻報警，唔使拗，等阿Sir來睇車cam片後再教佢點揸車。 其實我真係唔明白點解咁嘅判斷力都可以有車牌，仲以為自己啱晒，真係好恐怖」。

網民大鬧女司機做錯但惡人先告狀

有網民大鬧女司機危險駕駛，做錯仲要惡人先告狀，「其實炒完人仲要嘈唔知錯咩，永久停牌係社會安全選項」、「呀姐妳真係唔適合揸車，唔好害人啦」、「最恐怖嘅係，有時啲人連自己岩定錯都未識分」。

有片：