港男難忍女友IG成癮！一鬧交即狂出Story公告天下 精明網民：佢想引XX｜網絡熱話
廣告
你我身邊或者都有一個IG成癮的朋友，除了手機不離手隨時打開來看，更有人事無大小都會放上IG公告天下。日前一個港男就出post指女友IG成癮，最過份是每次吵架後她就會post IG story告訴全世界，令樓主表示「真係好頂唔順女朋友呢啲壞習慣」。
女友IG成癮一鬧交即狂出Story公告天下
這名港男在香港討論區以「有時好頂唔順女朋友有呢啲壞習慣」為題，指女友是「重度艾豬(IG)使用者」，情況嚴重至「平均每隔10分鐘就會開一次嚟睇」，更指即使上班中，她也會忍不住打開來看，甚至多次被上司斥責也沒有改善。近來二人多了吵架，樓主指「女朋友發多咗小姐脾氣我又忍唔住就話咗佢兩句」，然後假如樓主沒有哄回她，她就會「出幾個story暗示比人知佢同我嗌交，又會話自己冇人要啦，再repost埋啲港女語錄」，令樓主感覺非常厭惡。
港男難忍女友壞習慣：
樓主認同每個人都有發洩自己情緒的權利，問題是「但係咪下下都要share晒比佢啲朋友知」，樓主又指女友每次都只會說樓主的不是，「淨係話比人知我話佢兩句，但係又唔講佢自己做咗啲咩搞到我話佢」，坦言「有時真係好頂唔順女朋友呢啲壞習慣」，又表示「話佢又話我管佢，唔話佢又搞到我做晒衰人」，陷入兩難。
網民勸分手：佢都係出post等狗公氹啫
基於「感情問題一律建議分手」，網民當然都力勸樓主放棄女友，「拍拖拍到好似做太監咁，陰公」，認為假如樓主沒有做錯就不應該主動哄回女友，直斥「咁多港女有公主病都係多得有呢啲傻仔寵壞晒」；也有網民指「一係要，一係唔要，女朋友自己揀的，唔好怨」；有網民同意這種行為的確討厭：「網上面單方面數臭對方真係好賤」；更有網民一語道破樓主女友的行為背後原因是「男朋友唔氹咪出post等狗公（即不擇手段去討好女性的男人，趁機乘虛而入）氹囉」。你又能否接受這樣的另一半？
資料來源：香港討論區
圖片來源：pexels@Brett Jordan、《魔咒的戀人》劇照、TVB《愛回家之開心速遞》劇照、香港討論區、《氣象廳的人們：社內戀愛殘酷史篇》劇照
