女友有位七年追求者男友要求雙方斷聯絡反被一個短訊感動｜網絡熱話

Jul 18 2022

女友有明戀佢多年嘅異性好友點算！？能成為密友大概總帶著愛，台灣一位男網友出post分享女友有一位喜歡她七年的男生，自己一度要求雙方斷絕聯絡，但最後該名男生一個短訊反令佢好感動，接受女友呢位好友，網民也直呼放棄多年友誼太可惜。

女友有位多年追求者！

樓主指女友由細靚到大，屬於「班上前三好看」的程度，更有一位自初中就不離不棄的追求者，不過該名男生係四眼仔，又生得矮，仲要性格摺摺哋，而當時女友成績好，是班上前五，該名男生就成績中游，但為了同樓主女友考同一間高中，每日都認真溫書，最後甚至考得比她仲好，後來佢地考上同一間高中，甚至更是同班同學。

女友樓主女友由細靚到大，更有一位自初中就不離不棄的追求者。 — 樓主女友由細靚到大，更有一位自初中就不離不棄的追求者。（圖片來源：ViuTV《I SWIM》截圖）

女友兩人考上同一間高中，甚至仲同班。 — 兩人考上同一間高中，甚至仲同班。（圖片來源：ViuTV《I SWIM》截圖）

Friend Zone對方男生依然默默付出

該名男生在初中時有同樓主女友表白，但被拒絕後兩人關係變得疏遠，但高中同班後又開始變回熟落，會一齊搭車返學，又會間中一齊食早餐，但樓主直言個男生嘅外表真係不是女友杯茶，加上佢又怕羞唔多識講嘢，所以一直無一齊，但該男生就一直默默付出，兩人變成好朋友。後來佢地兩個升上唔同大學，但因為同縣市，偶爾都會一齊搭火車，直到樓主呢個男朋友出現。

女友男生嘅外表真喺唔喺女友杯茶，加上佢又怕羞唔多識講野，所以一直無一齊。 — 男生嘅外表真喺唔喺女友杯茶，加上佢又怕羞唔多識講野，所以一直無一齊。（圖片來源：SBS《那年，我們的夏天》截圖）

女友男生就一直默默付出，兩人變成好朋友。 — 男生就一直默默付出，兩人變成好朋友。（圖片來源：：SBS《那年，我們的夏天》截圖）

要求女主唔再同追求者聯絡

直到樓主出現打破呢個局面，樓主是女友的大學同學，坦言第一次見到女友就覺得佢好「正」，後來加佢Instagram傾計，約食飯睇戲，兩個月火速一齊咗，但樓主有次睇到女友手機，發現有個男仔問她最近點，樓主危機感爆發，好嬲咁問個男仔喺邊個，女友解釋完，樓主一聽到「喜歡」，就即刻嚴肅咁要求女友唔好再同個男仔聯絡。女友一開始猶豫問「可以不要嗎」，樓主話相信他們之間清白，但知道對方喜歡她，還是覺得奇怪，後來兩人冷戰。

女友樓主和女友為了刻名男生冷戰。 — 樓主和女友為了該名男生冷戰。（圖片來源：Pexels@rodnae-productions）

之後樓主突然收到自來該男生的短訊，對方指自己「絕無破壞你們感情的意思」，更願意不再聯絡她，讓樓主有安全感，更希望樓主能好好對待她，令樓主大為感動，謝謝他多年來對女友的照顧，更表示「我會好好珍惜她的」。

女友自來該男生的短訊，反而感動了樓主。 — 自來該男生的短訊，反而感動了樓主。（圖片來源：Dcard）

網民鬧樓主過分：控制狂！

Post一出，網民大讚該男生是好男人，希望佢盡快遇到對的人，直指樓主要求幼稚，如果兩個人分手，又令到女友無咗一個多年好朋友，好唔抵，亦有人笑指「結果最後都是看臉」，指嗰個男仔追咗女友咁耐，都唔夠樓主兩個月攻勢，仲有人指女友當人地係「兵」，行為唔尊重另一半。

女友網民大讚該男生超好，希望佢盡快遇到對的人。 — 網民大讚該男生超好，希望佢盡快遇到對的人。（圖片來源：Dcard截圖）

女友有人覺得樓主自信不足。 — 有人覺得樓主自信不足。（圖片來源：Dcard截圖）

女友網友話樓主度量同心智都輸人一大截。 — 網友話樓主度量同心智都輸人一大截。（圖片來源：Dcard截圖）

女友有人覺得最終會分手，不需要過分干涉對方交友。 — 有人覺得最終會分手，不需要過分干涉對方交友。（圖片來源：Dcard截圖）

女友有人指這樣的行為很不尊重自己伴侶。 — 有人指這樣的行為很不尊重自己伴侶。（圖片來源：Dcard截圖）

女友為了愛情放棄友情好可惜。 — 為了愛情放棄友情好可惜。（圖片來源：Dcard截圖）

樓主留言表明自己更優勝

大量留言引來樓主追加留言，他指女友從沒讓對方付錢，是真心當對方朋友，而自己「也不想把話講的那麼傷人」，但直言該男生「不會穿搭、戴眼鏡、矮、也不瘦」，平日興趣是玩電腦看動漫，最重要是難傾計，唯一優點只有「唔嘔心」，他指自己以前都喺肥仔好自卑，後來開始保養皮膚、學穿搭、學吉他、減肥健身、多參加活動多社交，一步步變得自信，直指「對我來說讓女生喜歡真的不難」，對自己十分有信心，自己喺認真同呢個女仔拍拖，如果之後分手都無辦法，也希望該男生好好改變自己，讓自己更吸引人。