貪玩女友玩交友App同人傾甜嘢 男友大爆對話內容：試問有邊一個可以忍到？

鬧交後女友去玩交友App

最近有網友在討論區發文分享，前排與女友鬧交，女友就下載了一個叫Antiland的交友app，「上面基本上都係傾呢啲甜嘢，雖然佢好鬼醒，淨係喺度呃人地相，並冇Send自己嘅出去。」怎料二人和好後，女友就與男友坦白前兩日有玩交友app。

女友不斷分享對話內容

事主本來都接受到女友玩交友app，但女友最近不斷分享她在app入面與其他人的對話內容，以及對方的回覆，全部都不堪入目。事主公開當中的對話內容：「對方話要佢做佢嘅小母狗，又講咩肉便器，呢個詞真係非常嘔心，雖然佢全部copy咗俾我睇，但係試問有邊一個可以忍到覺得冇問題？」

貪玩女友同人傾甜嘢

事主接受不到因而大怒：「佢咁鍾意同人地傾偈我就唔打擾佢啦，佢聽到之後仲可以嬉皮笑臉，我就更加嬲。尋晚同佢講咗瞓覺，之後佢應該就一直同人傾，傾到五點幾，點解我會知？因為佢用個App同人傾到換IG，換嘅係我嘅IG，佢有我嘅PW，所以佢同人哋傾咩我都睇到。」

網民：同出軌係一線之差

事主大呻無奈，詢問一眾網友「如果你另一半咁做你會有咩感受？」，有網民表示接受不到另一半玩app，「雖然冇交心，但同出軌係一線之差，我唔會好受，如果係女朋友嘅話，我驚佢玩玩下會開始心思思想同仔仔試，不過好彩嘅係佢誠實同你講，希望你表現完你嬲下次佢唔敢再玩」、「你哋真係情侶？佢當住另一半玩交友app都覺得冇嘢？」，亦有網民覺得女友只是想得到事主關心，「似係想搏你關心同注意，如果真係有心出去搵仔嘅就唔會比你睇，應該係對你有啲唔滿意，不過佢就同錯咗方法。」

資料來源：Dcard