天文台遲掛8號風球被網民炮轟 港媽發文反擊：係個風行得太慢｜玩樂熱話

網民怒轟天文台下午先掛8號風球

今日（11月2日）下午1時40分，天文台宣布8號熱帶氣旋警告信號，有網民批評天文台「返晒工先嚟掛8號波，不如唔好講」，不過有港媽在「親子王國」討論區發文，直言批評天文台的人鬧錯對象，認為大家不能怪天文台，要怪只能怪尼格「行得太慢」，「掛8號風球有科學標准的，乜唔係怪個風行得太慢？如果行快啲就可以在9號點前掛8號，或者可以怪個風行得太快，如果行慢啲就可以在明天上班前掛8號」。

樓主舉出兩個例子指市民本末倒置

樓主更舉出兩個例子，覺得市民本末倒置，鬧錯對象，「你債主向法庭申請你破產，由郵差派掛號信給你，你怪郵差定債主？」、「你個仔靜雞雞開咗你架車出去，醉酒駕駛炒車入醫院，由警方通知你，你怪個仔定警方？」。

部分網民同意：社會依然要正常運作

不少網民認同樓主，覺得即使遇到惡劣天氣，社會依然要正常運作，「一班心理唔正常的人，有無諗過社會要正常運作嫁，係咪病人唔去覆診，法庭停工唔審案，有些日薪工人， 唔返工就少一日人工要就佢地打風放假， 就全部停嗎？」、「同意呀！雖然我今早要返工」、「好多人都會冇事搵事嚟講」、「你估刁民係浪得虛名架咩」、「同意呀，個風未到，唔通為你返工就早啲掛咩？今朝又見到呢啲人，真係非常討厭」。

政府有責任管控人流和交通

有市民覺得政府亦有責任，在惡劣天氣下管控人流和交通，「應該怕2點掛8 號，除咗趕放工，仲要趕去接小朋友同長者，市況會出現大混亂。尋日全日掛咗3號，中心都照開啦，有時要因時制宜。管控人流、交通，都係政府責任之一」。

天文台早些通知可以有更好安排

不過有網民不認同樓主看法，覺得天文台如果早些作出通知，可以讓市民有更好的安排，「其實一早宣佈停課仲易安排，如果依家照返學或者送老人家去中心，到掛八號嘅時候，自己放工又要逼車，又要去趕住接家人，仲狼狽！」。

原文截圖：