全新天上野斬骨刀一斬魚即斷兩截 成個刀頭飛出超危險！網民笑爆：佢係一把善良嘅刀｜玩樂熱話
廣告
最近疫情嚴重，不少餐廳都選擇不開門，也有港人也寧可買餸煮飯，避疫之餘順便進修廚藝。 工欲善其事， 必先利其器，一把好的刀具是每個廚房必備良物。近日一名網民分享自己購買了一把「天上野」的斬骨刀，誰知第二次使用時整把刀就斷裂飛出，過程非常危險！
天上野斬骨刀一斬魚即斷兩截 成個刀頭飛出超危險！
再鋒利既刀都有生銹既一日，但有無諗過把刀未生銹就已經整把斷裂？近日一名網民在Facebook群組「香港黑店大全 大踢爆 大大大Group」上分享，自己使用「所謂香港名牌天上野」的一把斬骨刀，事主稱逐把刀在新年前購買，因為家裡屬「無飯家庭」（即極少煮飯）。
事主稱刀具之前只用過一次作斬粟米，而第二次就用作斬魚頭，誰料斬骨刀成把斷裂，刀頭整個飛出，令她直言「好痴線」。因為刀具的切口相當齊整，有網民質疑事主P圖，後來事主貼出影片證明所言屬實。
網民笑爆：佢係一把善良嘅刀
對於刀具整把斷裂，網民就驚呼非常危險，對事主表達關心，指「好得人驚，飛落地劈親隻腳都唔知點算」、「最緊要人無事」，也有人建議事主退貨、找消委會或報東張西望處理，因事件非常嚴重，隨時發生意外。
不過也有網民留下搞笑留言，「佢係一把善良的刀」、「情願自己斷開，都唔想傷害條魚」、「天上嘅嘢你哋凡間嘅人邊度用得掂呀」、「係咪用左黎斬鱷魚？」。
事主為何發帖？
她使用的天上野廚刀只用兩次就整把斷裂。
網民點講？
網民覺得非常危險，籲事主向消委會投訴。
圖片來源：Facebook群組「香港黑店大全 大踢爆 大大大Group (主群外，仲有物流集運黑店, 飲食黑店, IG shop黑店等等)」截圖、韓劇《夫妻的世界》劇照、unsplash@alysonmcphee
