香港情侶大帽山影婚紗相癱瘓交通 現場有警員開路？在場網民試圖還原「真相」卻被鬧爆！｜玩樂熱話

香港情侶大帽山影婚紗相癱瘓交通 現場有警員開路？
在場網民試圖還原「真相」卻被鬧爆！

照片可見一對情侶站在私家車前拍照，由於私家車橫泊在馬路，阻塞交通搞到大塞車，現場更有警員在場，令網友質疑是否專程封路讓該對情侶拍照。雖然有網友認為結婚是大日子，認為等一陣沒大不了，亦有人指揸車上山預了會塞車，不過亦有唔少人批評該對情侶行為自私、不顧其他人的感受，但隨後有網民聲稱在現場，更試圖還原「真相」，表示是一場誤會？

現場網民試圖還原「真相」

其實架車係人哋嘅
今日我咁啱在場見到
車主係個男人 佢因為架車泊到咁 唔識點轉返出嚟就同佢另一個frd行住山先
而呢對情侶（可能啦因為聽個攝影師講咗句好似真係情侶咁）係入唔到去泊車而利用呢架車做背景同埋呢個位置而下嚟拍攝
之後有人報警之後等到個車主返嚟係咁X佢哋
後尾點樣令架車轉返出嚟冇睇到

這位網民表示，該輛橫泊在馬路中的私家車屬於其他登山客，但由於車主不懂將座駕駛出，隨後便與朋友下車行山，而該對疑似情侶碰巧在現場，配合攝影師建議用橫泊馬路的名車作背景拍攝，但有其他車主不滿該車輛阻塞交通於是報警，故現場有警員在處理，並非為情侶封路。不過大部分網民認為說法有點牽強。