月入兩萬大學生呻與家人同住舊式公屋好辛苦！父母安於現狀仲叫佢千祈唔好XX超絕望｜網絡熱話
廣告
有大學畢業生喺Facebook發文，指自己日讀夜讀，畢業後個樣似足38歲，相比起去外國讀書嘅中學同學辛苦好多，即使自己一畢業就搵兩萬蚊，但似乎亦難逃住舊式公屋的命運，控訴世界唔公平，更指爸媽不思進取！發文引來網民熱烈討論，即睇詳情！
撰文：Evita｜圖片來源：劇照、Facebook截圖｜資料來源：CUHK Secrets
大學畢業生呻月入兩萬住公屋好辛苦
有大學畢業生喺網上發文，指自己公屋出身，日讀夜讀，考入大學後嘅生活就係不斷做功課同匯報，幾乎日日都兩三點先瞓。
「Year 1個樣似18歲，畢業嗰陣捱到似38歲，grad咗之後人工20k」
樓主又話見到啲有錢中學同學去外國讀書，日日吃喝玩樂，返到香港容光煥發，最重要係唔使畀家用之餘又有靚屋住、揸靚車，完全唔使煩將來。
樓主表示自己過得好苦，仲幻想萬一有筆首期買樓，將來供樓嘅時候會更辛苦。再話每日望住自己屋企40年樓齡嘅舊式公屋，無房不單止，兩老仲要叫佢腳踏實地唔好有咁大想頭。
樓主：「有時真係好憎佢哋咁樣，唔怪得佢哋會住公屋啦！」
「我只係想講，世界好唔公平，努力咗咁多年，我都會攰㗎……」
網民：「父母有冇留嘢俾你唔係應份」！
網民見到樓主言論後都不禁回應，有人就話覺得唔需要同其他人比較人生，有人就戥樓主父母慘，養大個仔仲要俾佢擺上網唱，大家又點睇樓主嘅人生呢？
撰文：Evita｜圖片來源：劇照、Facebook截圖｜資料來源：CUHK Secrets
即睇更多：大叔：「關愛座唔係畀你坐」學生好心讓座仍被責罵 車長開聲幫口！｜網絡熱話
即睇更多：荔枝角成打工仔返工天堂！網友列出5大優點 有壽司郎已經贏了！惟一缺點係…｜網絡熱話
圖片來源：劇照、CUHK Secrets Facebook截圖
