網民家有極品大嫂！兄長婚後唔願搬每月只給4千家用當阿媽工人｜網絡熱話

Jun 23 2022

網民家有極品大嫂！話說早前有網民於香港討論區以「點解阿哥會娶件咁嘅嘢」為題出post，指家裡的大嫂非常極品，不給家用更一點家務都不做，更把奶奶（即樓主的母親）當工人使喚，樓主看不過眼但不知道可以如何解決，只能上網訴苦。

極品大嫂婚後誕兩兒不願搬、僅月付$4,000家用

據該網民所指，兄長結婚後與老婆繼續住在家裡，之後誕下兩個小朋友，但一家四口仍然沒想過搬出去，繼續與樓主父母、六個人住在同一屋內。夫婦二人各有正職，每人月入萬元有多，加起來應該三萬多元，但每個月只給樓主父母$4,000家用，還要是兄長一個人出，其妻子「從來一蚊家用都唔會畀」，一家四口包食包住非常爽！

大嫂兄長結婚後一家四口繼續住在家裡 — 兄長結婚後一家四口繼續住在家裡（圖片來源：《香港愛情故事》劇照）

大嫂從不幫忙做家務、為人極自私

樓主指，這個極品大嫂除了不給家用，「亦唔會對個家有任何金錢上嘅付出和貢獻」，不出錢但又不出力，「家務一啲都唔做，放工返黎等食，攤喺度或者入房嘆冷氣買淘寶」，樓主母親要包攬所有家務，更要幫忙照顧孫仔，因為極品大嫂真的太廢，「飯唔會煮，10年無拖過一次地，其他廢嘢太多不能盡錄」，更直斥「底褲都要幫個女人晾埋」！更過份的是「成家重要睇佢面色，阿媽想出下街好似要同佢申請」，超過份！

大嫂極品大嫂放工後就回到房間等吃飯，完全不幫忙。 — 極品大嫂放工後就回到房間等吃飯，完全不幫忙。（圖片來源：《愛．回家之開心速遞》劇照）

怨阿哥娶極品老婆：等老人家百年歸老食埋層樓

樓主直言「我知我阿哥都係無用」，也明白女生嫁到他們家也不應該受委屈，但「都唔好咁老馮」，樓主指阿哥放工會幫忙做點家務，但大嫂從未幫忙，斥「一家人一齊住係咪應該分工合作下」。另外指出「阿哥都呻佢老婆孤寒，平時買個麵包都只會買一個畀自己」，又補充「食飯要人叫先出嚟食，如果個餐有雞就第一時間夾雞髀唔靚嗰嚿都唔食」，是名副其實的極品大嫂！樓主又指，大嫂這樣分分鐘是「等老人家百年歸老食埋層樓」。