大媽網上大鬧港男排隊「搖身搖勢」高調宣戰 反被網民鬧爆：有咩問題？　

大媽網上大鬧港男排隊「搖身搖勢」反被圍插

銀行排隊好花時間大家都明，不過近日就有大媽在社交平台帖文，想大家公審一名「搖身搖勢」的港男，內容更寫住：「搖啊搖啊搖啊搖⋯⋯銀行排個隊一路搖唔停。你搖得過癮，我睇得頭暈。」

該大媽在帖文中又指出：「好彩人少，堅持咗十幾分鐘，希望無緣再相遇～企正前面，好難望唔到，因為唔阻到其他人所以無出聲無影人面～新時代的節奏，搖啊搖啊搖～繼續搖擺。」

大媽更有帖文中，附有網上資料截圖，力指做人應該「站如松」，表示「姿態和步態不僅對健康有着重要影響，人的內在品格從舉止風度上也可見一斑。」大媽帖文一出，即時引起數以百計網民作出回應。大部分網民都力批大媽公審人根本不合理，其他人搖身，又沒有影響人，更沒有發出聲音「有咩問題？」、「咁都要公審？」、「點樣搖先唔影響到佢？咁佢係電視見到歌手搖來搖去，佢又會點？」

被公審港男現身回應

被公審的事主其後更忍不住在網上現身。表示自己搖都犯親你，仲要被你影相，他反問大媽，如果咁介意人搖，當時點解沒有出口叫佢唔好搖，反而要放件事上網更串大媽：「因為你個人太高大同大份呀！我咁細粒個人好孱…我曾經排太耐隊到見暈作嘔呀！所以我企唔定搖下分散下…」

大媽亦不甘示弱，更向對方宣戰：「來吧片中人……你所受的傷害需要償還……隨時恭候，事發地點，時間你定！」事件再次引起不少網友食花生。