大媽殺入大嶼山狂掘生蠔！　即場開蠔連BB蠔都唔放過｜網絡熱話

撰文：Andy｜圖片：Tap Mun cattle herd 塔門黃牛羣｜編輯：Bonita | 原文刊於：新Monday

大媽殺入大嶼山狂掘生蠔！　即場開蠔連BB蠔都唔放過｜網絡熱話

「大嶼山愛護水牛協會」的義工發貼文稱，自己本身打算到大嶼山為牛牛們送草，但途徑水口時目擊到有約十個講普通話嘅大媽、大叔喺度興奮掘蠔，最誇張係仲要即場開蠔、連BB蠔都唔放過。不出所料，佢哋開完蠔放入箱帶走，而蠔殼就隨手丟棄，留下一地蠔殼。

Facebook 原文：

塔門以外另一被破壞嘅重災區

尋日隨Loy隊長到大嶼送草、其中一個點在水口…….

噢！另一生態大災難

一班大概十個操普通話嘅大媽大叔群組、分批响度不停掘掘掘、去到見佢哋已經將一箱箱一袋袋石蠔密密開、連BB蠔都唔放過

開完後蠔殼咪隨手掉囉

唯有即刻勸喻佢哋停止同要求放生返回大海

呢班大媽雖然聲稱第一次嚟掘、目測佢哋啲工具似係幾專業啵、掘咁多做咩呢真係食得哂

保育區所有資源都係唔應該取走或破壞、長此下去又一福地再被消失

義工勸阻遭大媽回嘴 大媽自稱「我係第一次」

義工見狀上前勸喻，並將未被開取的蠔放回大海，希望盡量減少對生態環境造成嘅傷害。而這班大媽卻不以為然，更聲稱是自己第一次來掘蠔。唯據義工目測，佢哋的架橕似乎相當專業，就反問佢哋「掘咁多做咩呢？真係食得哂？」

發帖文嘅義工最後呼籲大家要愛護環境：「保育區所有資源都係唔應該取走或破壞，長此下去又一福地再被消失。」

網民點睇：