泳客大埔龍尾灘捕捉大量海星 仲要扮聽唔到！網民大鬧離晒譜！｜網絡熱話

泳客大埔龍尾灘捕捉大量海星

有網民在Facebook「大埔 TAI PO」發文，表示上周六（23日）到龍尾灘游水時，見到有泳客手上拿著多隻海星，網民不滿泳客捕捉海星，破壞生態環境，「游水還游水，捉晒啲海星上嚟曬太陽好好玩？」。

網民指責捕捉海星好殘忍

不少網民紛紛留言，覺得泳客捕捉海星好殘忍，「諗住拎返屋企煲湯？」、「好威咩，徒手捉條鯊魚，我就話你威喇」，有網民批評泳客無公德心，「仲要攞咁多隻，想點」、「好離譜」、「好多人對大自然一啲唔認識，為享樂開心，對大自然破壞都唔知」、「呢啲人類只會令地球同地球生態步向滅亡」。

攞個海星上嚟完全純粹玩樂

不過有網民又指出「釣魚、摸蜆、Chok墨魚又好唔好玩？好奇問下個標準點定義啫」，有網民回應覺得分別不大，「但應該起碼釣魚會食，咁切合返大自然原因果腹。但佢攞個海星上嚟，一上嚟就死，完全純粹玩樂。如果釣魚摸蜆純粹玩樂，整死佢掉返落海，咁就同嗰泳客冇分別」。亦有網民反駁「你講呢三樣嘢都係有食用價值，以此為標準既話，海星呢？莫非有壯陽養陰價值？」。

海星離開水面會難以呼吸

有自然保育人士表示，觸摸海星後手上的細菌會直接傷害牠們的軟組織，亦不建議市民拿起海星拍照，海星離開水面會難以呼吸。大家到海灘遊玩時，欣賞海洋生物的同時，記得不要破壞生態環境呀！

資料來源：Facebook@大埔 TAI PO