外賣員違例泊車被抄牌鬧爆交通督導員！網民竟然撐呢邊？｜玩樂熱話

Dec 21 2022

執法者與市民在利益衝突以及職責所在之間往往引起不少衝突，近日再有交通督導員抄牌被罵的片段流出，一名相信是剛領取外賣的電單車手發現自己正被抄牌，深深不忿下舉機拍片，雙方口抹橫飛，據理力爭。本以為網民會同情外賣車手，但估不到大部份人認為交通督導員EQ高，而且反駁合邏輯之外有道理，擲地有聲！

外賣阿叔舌戰交通督導員粗口橫飛VS串得有道理

影片被上傳至Facebook「香港鐵騎館」群組，長2分鐘的片段來可見事發於銅鑼灣鵝頸橋底，拍攝者一開始便斥「X你有無咁離譜呀，我走去攞個外賣，你又抄」、「一係政府禁，唔好做外賣，X你X X我去攞個外賣，咁架車停喺邊？」，更指控該名交通督導員選擇執法，「專門抄電單車」，「你做人唔好咁乞人憎」，更指「攞一攞外賣就320，X你人哋使唔使搵食啊？」期間不斷將鏡頭拉近對方面部，怒上心頭的心情表露無遺。

外賣外賣仔大叔拎外賣回來卻發現正被抄牌。 — 外賣仔大叔拎外賣回來卻發現正被抄牌。（圖片來源：《喜劇之王》電影截圖）

外賣外賣電單車手舉機拍攝。 — 電單車手舉機拍攝。（圖片來源：FB@香港鐵騎館）

外賣外賣期間多次拉近對方面部特寫。 — 期間多次拉近對方面部特寫。（圖片來源：FB@香港鐵騎館）

該位交通督導員一開始表演冷靜，回應「我工作就係要抄牌，你拍喺度，我就要炒你啦」，更向該位鐵騎士展示抄牌記錄「呢個的士嚟㗎，呢個私家車嚟㗎，啲㗎貨車嚟㗎，你睇吓啦」。但被粗口辱罵，反駁「阿叔你做得呢行你要自己搵位喇，使唔使我同你送埋？」，更表示「如果你覺得自己啱嘅，就搵個律師同法官講，唔好同我講」，最後放下一句「同你講得多都口臭，我唔同你講喇」揚長而去。

外賣外賣督導員冷靜繼續把發票放下。 — 督導員冷靜繼續把發票放下。（圖片來源：FB@香港鐵騎館）

外賣外賣最後掉下一句「我費事同你講」後離去。 — 最後掉下一句「我費事同你講」後離去。（圖片來源：FB@香港鐵騎館）

網民力撐交通督導員網上公審侵犯私隱？

大部份網民認為「搵食唔係大晒」，外賣大叔作出犯法行為便有機會被罰，認為辱罵執法人員及拍片只是衝動和一洩心頭之憤，不能解決街位不足及制度問題，反而有機會令該區連日加強抄牌「累街坊」，更大讚該位督導員專業有耐性，回應時亦有清晰邏輯及道理。另外有網民認為將公職人員拍片放上網公審是違反了私隱條例，其他人則不同意執法人員穿着制服執行公務時，職員編號或樣貌是個人資料的一部份，引發討論。