叫兩間外賣金額調轉畀食客叫外賣員自行追數老闆得悉事件決定咁做！｜網絡熱話

新假期 - 影視

Sep 1 2021

廣告

嗌外賣已經成為大家生活日常，食飯要畀錢係理所當然嘅事，但係就有外賣員投稿至Facebook專頁「西客之道 Hispitality Secret」指有同事送外賣到一間公司，客人畀唔齊錢仲話返外賣員轉頭，老細得知情況後做出以下決定，獲得大批網民讚好！

撰文：Evita｜圖片：FB@西客之道、FB@暖心館、《愛回家之開心速遞》

食客叫兩間外賣金額調轉畀

有網民投稿至Facebook專頁，內容係指有外賣同事送飯盒（$38）去某公司，但係客人A只係畀$36，仲堅持自己已經數清楚。同時客人B就話：「係咪頭先阿姐嗰$36拎錯$38嗰份啊？」外賣員就叫客人A而家畀$38，自己追返$36嗰間拎返$2，點知客人A就：「點解要我畀？又唔係我錯，你自己問佢拎囉！」簡單嚟講就係客人同時叫咗兩間餐廳嘅外賣，亦預備咗$36同$38兩份錢，但係第一間價值$36就畀咗$38，到第二間嚟到價值$38嘅餐就只收到$36。

（圖片來源：《愛回家之開心速遞》）

（圖片來源：《喜劇之王》）

外賣同事打返公司交代事件，老細叫佢拎返個飯盒返嚟自己食，再叫同事去投稿！（圖片來源：FB@西客之道）

網民為外賣員抱不平

呢個post一出就獲得大批網民留言，唔少人為外賣員抱不平，話點解唔係外賣員錯但係要佢追返$2返嚟。

呢位網民又幾有諗頭喎。（圖片來源：FB@西客之道）

呢個比喻又到位。（圖片來源：FB@西客之道）

霸氣做法，但係驚唔驚個客人又調轉頭投訴先？（圖片來源：FB@西客之道）

真係唔好以為外賣仔好恰。（圖片來源：FB@西客之道）

撰文：Evita｜圖片：FB@西客之道、FB@暖心館

關鍵詞

外賣網絡熱話網民