智障外賣送餐員唔小心打翻Pizza 拒收貼士原因令網民眼濕濕｜網絡熱話
廣告
外賣大家叫得多，有冇收過智障人士送嘅餐？他們也會在某些快餐企業被聘請，給予讓他們工作機會，從而自力更生免被社會隔絕。有連登巴打分享一段遇到智障人士送Pizza外賣時的經歷，他送外賣時唔小心打翻Pizza，因此拒收貼士，當中拒絕嘅原因仲令網民眼濕濕，仲激讚他的工作態度。
編輯：GW｜圖片：網上圖片
網民力讚Pizza店聘請智障外賣員
事緣有網民在連登討論區發帖稱讚Pizza BOX食物質素中上，仲聘請智障人士送外賣，認為送外賣這件事對他們不是易事，既要搵路、又要拎穩食物、要找錢、要對單、仲要聯絡客人，認為他們非常叻仔可以自力更生。非常欣賞呢間公司肯為弱勢群體做事，仲希望大家比多小小貼士佢地，當作支持及鼓勵他們。
打翻外賣Pizza 拒取貼士
然後就引來另一位巴打回應帖文，他指自己同樣遇到智障人士送外賣，但收到時是兩個打翻的Pizza。他一路喊一路向事主講對唔住，並話自己因為過馬路時有小巴衝燈，嚇到他跌倒及打翻Pizza。
事主遂問他有無事，他回應無事，事主大方的照樣收貨及付款，但他不肯收取貼士，並說道「做得好就可以收，做得唔好唔可以收！」事主便問「是誰教會你的？」他回應「去咗好遠嘅爸爸。」網民看到這邊就覺得心酸又心疼，惹哭不少網民，同時大讚他懂事及認真工作。
但故事仍未結束，隔了半小時後事主收到Pizza BOX電話，指知道外送員打爛了Pizza，話下次免費補送，事主稱不需要，但電話的那頭說「送餐者話一定要」，並指最初佢仲話「要自己出錢」，舖頭勸了他很久他才願意不付錢。
也有網民指，其實他們因為智力所限，他們比常人單純，所以更守規矩更少偷懶，步驟少錯漏效率也高，適合做一些重複性較高的工作，希望大家多包容，更不要吝嗇稱讚，更加更加不要歧視他們。
分享者原文
完整原文如下，呢位巴打真係好感動又心痛果位送餐員。
編輯：GW｜圖片：網上圖片
