老伯明目張膽圖書館睇鹹相 街坊多次投訴無效！｜ 網絡熱話
廣告
夏日炎炎，入圖書館扮文青兼涼冷氣亦都係一個不錯選擇， 但如果有人於館內做一些閂埋房門先應該做嘅嘢， 的確會影響其他人心情。 近日有網民在社交平台投訴有位老伯經常到中央圖書館用電腦睇「四仔」， 投訴多次而情況仍未改善， 引起網民熱議， 有人感到詑異，亦有人表示事件並非孤例，但有眼利網民指主老翁其實可能自己以USB攜帶色情內容！
老伯明目張膽圖書館睇鹹相 街坊多次投訴無效 網民：佢應該係高手！
近日於公務員secrets群組內， 有人投訴相中老翁為老不尊，「日日係中央圖書館睇四仔冇格仔」，已經多次向館方投訴但老伯仍照睇不誤，令人難以放心讓小朋友到圖書館休閒，樓主仲大呻「 李家超喺邊！管理員喺邊！」，斥圖書館職員處理不善，希望反映於群組可以解決問題。
網民紛紛表示詑異， 認為圖書館網絡安全設置應該非常周全， 所有「18禁」網站應該被過濾，不明白老伯如何突破防火牆。有網民則幽默打趣道「 話明成人圖書館」，「欣賞伯伯活到老學到老嗰份堅持」，更指伯伯應該是電腦網絡高手，懂得突破封鎖及保護網！
有一部份網民則表示自己亦於大埔圖書館遇過同樣情況， 除非老伯行為「升級」，否則館長亦無可奈何； 另一網民則表示於「馬鞍山圖書館亦見過有人睇鹹片」， 證明呢啲情況可能比較普遍。 有網民即表示可報警處理， 因為此行為可能涉及發放淫褻及不雅物品， 或構成在公眾地方行為不檢罪名。
有眼利網民見到電腦畫面上有疑似小畫家視窗， 質疑老伯並非用電腦上網瀏覽色情網站，而是自己攜帶內容於USB內， 再用電腦開啟圖片， 所以即使網絡防火牆亦無法阻擋，而職員亦不能沒收老翁私人財物！
資料連結按此
發生什麼事？
有網民投訴老翁於圖書館瀏覽色情刊物，但投訴無效…詳情
網民有何看法？
網民表示此並非單一事件，但是事情可能另有內情…詳情
撰文：KW圖片來源：香港中央圖書館, FB@公務員secrets
