一家霸曬成條將軍澳單車徑 街坊大鬧：條路你買咗咩！｜玩樂熱話
廣告
將軍澳單車徑本來是一個居民單車遊的好地方，不過成日都出現人車爭路的情況，有時是單車友不守交通安全，踩單車險撞路人，亦有時是行人亂入單車路。最近在將軍澳群組中，有港人就因為一家人而非常激氣。
將軍澳自私一家霸曬成條單車徑
人多就易引起爭議，最近就有人在將軍澳群組中發文力指有成家人行為自私，一行三人，一字排開，行哂成條單車徑，帖文一出，已經成功焫著區內居民引起熱議。
樓主在帖文中表示：「乞人憎一家，霸曬成條單車徑， 呠佢又冇反應」，區內居民火速留言：「最憎這種人牆」、「最憎呢啲打橫一排列隊行嘅人，好似成條路佢買左咁」、「就算唔係單車路都係咁話!真係自我中心到不得了」
更有網民搞笑指：「拍緊hero外景，請勿打擾」，隨即引起不少網民集體回憶，表示：「我個腦即刻有果條片頭音樂」
另外，居民看狀後都表示，次次行過都見行人行單車路，單車又行行人路。有網民更指，見有人更在單車徑放狗和跑步，以及有父母推BB車行。更有居民指，街市店舖更會在單車徑上落貨，手推車更會放滿一排，行為一樣自私。
有網民指：「單車係行人路就要罰錢，行人係單車徑可唔可以一視同仁？仲有啲跑步嘅又一定係跑單車徑㗎喎」，更有網民回應：「因為佢哋FF自己跑快過單車囉」亦有人指：「可以叫佢哋有本事喺馬路咁行」
最後，亦有網民認為行人、市區規劃及商舖三方都有責任：「行人走出單車路約有1/3責任，1/3怪原本規劃… 最後個1/3就怪商舖長期擺嘢出行人路同單車徑….」
資料來源：Facebook群組@將軍澳主場
將軍澳單車徑為何引起爭議？
有網民發文力指有成家人行為自私，行哂成條單車徑。
還有甚麼自私行為？
有網民更指，有人更在單車徑放狗和跑步，有父母推BB車行；街市店鋪亦會在這單車徑上落貨。
圖片來源：Facebook群組@將軍澳主場、TVB《愛回家》、日劇《hero》資料或影片來源：Facebook群組@將軍澳主場
