網民熱議香港如果爆發喪屍最安全地方：一定去元朗／青衣馬灣守橋｜玩樂熱話

香港如果爆發喪屍邊度最安全？
網民集思廣益：識去一定去元朗／守商場通常死路一條？！

連登網民以「如果爆發喪屍去邊到會最安全」發帖，問一眾巴打絲打，假設末日來到，四處爆發喪屍潮，會去香港邊度防守？

樓主先提出「首選荃西個堆商場」，稱有嘢食有補給，相信可以支撐一段時間，也有人附和「天水圍銀座百佳嗰層」，因為只得一條電梯上落，仲有超大間百佳，可保證飲食來源，同層也有診所、藥店、電器舖、基本上要乜有乜，仲有玻璃頂，日光可照射進來。不過其後就有網民反駁喪屍電影中，守商場的人必死無疑，加上入口太多，基本上太難防守。

另外有網民表示可以在青衣、青馬等地方進行「炸橋守橋」，就被其他理性網民反駁，如果守青馬大橋，一定有民眾想路經青馬大橋以利用機場逃離香港，只要有一個人中招，後果將會不堪設想。

觀塘要去呢個位：觀塘碼頭廣場

另有網民指若身於觀塘區，建議去觀塘碼頭廣場避難。網民更列出4個原因證明觀塘碼頭是一個避難好去處，第一點，廣場鄰近碼頭，若有事可以以海路移動，以且和啟德郵輪碼頭成犄角之勢；第二點，廣場出入口唔多，只有地面及二樓天橋兩個出入口，防守起來較容易；第三點，雖然廣場位於工業區，但是人流相對較少，較為安全；第四點，廣場地下有停車場，多好多物資可以維修使用。

網民：人性先係重點！

最後有網民提到在發生災難時，最恐怖的是「人性」，當真正有事時想走都走唔到，加上大量物資會被囤起，再以炒價出售大發災難財。