美國喪屍鹿已傳入韓國 專家：「人類或會受感染。」
廣告
平時打機打喪屍就打得多，如果喪屍真係喺現實世界發生又會點？近日美國多個州份都爆出「喪屍鹿」嘅大災難！呢種會傳染嘅病毒令到人心惶惶，而且仲已經蔓延到亞洲地區，都咪話唔驚！
撰文：熱話男神丨圖片：劇照、連登 | 編輯：Evita
美國爆「喪屍鹿」災難 24個州受感染！
美國疾病預防控制中心指出，目前美國24個州份、加拿大2個省份、挪威同韓國等地區都出現呢種感染型疾病。呢種鹿患上嘅疾病名為CWD（慢性消耗型疾病），感染嘅鹿隻會出現「四肢不協調」、「流口水」等病狀，真係十足十喪屍咁樣…
鹿隻可以透過口水、血液同尿液嘅途經傳播病毒，而且潛伏期更可以高達幾年之久！最得人驚嘅係，CWD係可以透過鹿隻傳播去靈長類動物身上，包括人類。人類唔小心接觸咗受感染鹿隻或者食鹿肉的話，都有機會瀨嘢…個時就真係大鑊！
明尼蘇達大學（University of Minnesota）傳染病研究與政策中心主任Michael Osterholm指出，每年有大約7,000至15,000隻受感染鹿隻被吃，大大增加咗人類感染CWD嘅機會。而且未來人類都有機會出現大範圍感染，大家真係要小心至上。
而早在2005年，美國地區就已經爆發過CWD病毒之感染。當時大約200人已經食過受感染鹿隻，而根據報導指，當時食用嘅人類喺數年內都無出現「不健康病狀」，可見當時CWD病毒並無太大影響。但咁並唔代表現時嘅CWD病毒無法影響人類，因為病毒係會變種，大家都要小心啲啦！
