港媽怒轟商場剪影畫褲襠下疑有「突出異物」！網民：咩人咪諗咩嘢｜玩樂熱話

港媽怒轟商場剪影畫褲襠下疑似有JJ
惹色情遐想！網民反轟：咩人咪諗乜嘢

一位港媽在Facebook群組「真.屯門友」發帖，指近日在安定邨附近的商場內，發現一根位於扶手梯旁邊的柱子上，出現了一幅剪影畫，表示「啱啱經過畀小朋友問我褲襠中間係咩呢，搞到我都唔知點答佢」，她也貼出了一張圖片，相中可見一名男童的剪影，正在進行滑板運動，跳起來的姿勢看起來相當有活力。不過就在男童的大腿位置，出現了一根打橫的異物，於是港媽質疑剪影畫過於仔細。

以港媽的帖子及反應猜測，她應以為畫中的「異物」為男童的JJ，於是揚言投訴「領展商場可以搵咩政府部門投訴一下？」後來帖子更被轉載至各大群組，引來大量網民熱議。網民批評港媽「膚淺同心邪」，皆因從一般人眼中看起來，該一幅男童的剪影畫，誇下的位置明顯是「短褲的褲腳」，而非男童的JJ，笑稱「咩人咪睇乜嘢囉」、「阿姐，如果佢碌嘢去到呢個位咁應該係移位」。

帖子在Facebook群組火速瘋傳後，有人質疑港媽亂投訴的行為教壞細路，亦是香港成為「投訴之都」的原因，直斥她「做家長好心你成熟啲啦」、「香港性教育之所以失敗咪因為有樓主哩啲父母囉」。也有「好心」網民畫出一張示意圖，向港媽證明只是她心邪，而非剪影畫有問題。

而港媽在受到多方批評後，就以多字反駁網民，「估唔到呢度大家都咁open，咁第日真係有人裸跑都唔好報警」、「一班正義道德X沖曬出嚟，我只係投訴商場希望將呢個黑影變成彩色咁咪知道係咩嚟囉，我都冇話係咩嚟，成班咁心邪㗎」。不過港媽一人終不敵大量網民圍插，港媽最終刪除帖子，但就無改事件繼續發酵。

原帖連結：按此