港男呻同居女友多個月唔交租！竟為1原因寧交貴租搬出去住更差單位

與女友合租姐姐單位 女友屢次欠租事出有因

日前，一名港男大呻與同居女友屢次欠租而嘈交，事主與女友以稍低於市價合租事主姐姐名下的一個單位，初期女友按時支付其應付的一半，後來只負責水、電、煤，事主認為女友長時間欠租，曾以開玩笑形式試圖追租，但女友扮聽不到；事主繼而當面向女友追租，赫然發現女友原來不滿租金是協助事主姐姐供樓，而單位屬於事主家人，並非屬於二人，「變相賺佢錢」，事主多次為此事多次嘈交。

女友寧交貴租都要搬走：唔想幫你家人供樓

事主續道，女友並非缺錢，亦不屬小器一族，在二人多次嘈交後，女友曾建議二人搬離單位，因而二人都是以租客身分交租，這樣做的話，女友認為可以公平一點，令自己心理容易接受一點。女友寧願搬離現居單位，交更貴的市值租金，而且單位的質素更比現居的差，對此事主十分費解，「佢要交更多錢之餘仲要住得冇咁好」，求教網民意見，是女友應該交租，還是事主應理所當然地養女友。

網民意見兩極

網民對事主的情況議論紛紛，有人認為女友的邏輯難以理解，「同邊個租有乜關係？都係要交租㗎啦」、「唔計commission兩按一上都勉強叫賺左啦，層樓點跌都唔會到你屋企手啦，咁都叫著數咗，仲要覺得搬出去住先叫公平，早飛早著」；另外有人覺得事主有做得不足之處，「呢啲真係好尷尬，佢會驚幫你家姐供樓都係理解到，咁咪要搬出去唔好有嘢講」、「條氣唔順就唔順㗎啦，呢啲冇得講」、「你家姐咁樣都只係平少少，咁你條女話一齊租出面，你又唔肯」。