新同事報稱爸爸不治需早走 父母轉頭到公司驚喜接收工｜網絡熱話
廣告
同事趣事千奇百怪，好多人話而家啲後生唔捱得，咩都係做兩做就放棄，有網民喺Facebook分享一位公司新人嘅故事，指出新人返工一個月已經請假10日，重點係請假原因極之搞笑……
撰文：Evita｜圖片：FB@爆廢公社、pexels、譚仔影片截圖
「媽寶」新同事1個月請10假
有台灣網民喺Facebook「爆廢公社」分享一件職場趣聞，網民稱公司喺台南新開分店需要請5名員工，而其中一位應徵者見工時帶埋媽媽嚟，形容呢位「媽寶」係佢做嘢15年嚟第一次遇到。
網民話呢位新人返咗工一個月就已經請咗10日假，理由為「奶奶住院兩日」、「媽媽車禍三日」、「爺爺被撞到三日」、而近日又因為爸爸工作出意外請兩日，而網民就非常之信任呢位同事，所以都無特別過問而批准放假。
報稱爸爸不治 新同事父母轉頭到公司接收工
新同事又同網民講爸爸因車禍入住加護病房，網民又再次選擇相信，今次仲因為當日係同事生日而畀咗封利是佢，以及叫同事快啲去探家人。然而，當晚網民收工時，見到有位太太企咗喺公司門口（同事嘅媽媽），帶埋住院嘅爺爺嫲嫲，以及喺加護病護嘅爸爸，拎住蛋糕話要同「孝子」慶祝生日。
後來網民發現原來同事係被逼出嚟做嘢，不過網民都好有心無篤爆同事對家人嘅「詛咒」，仲打電話畀同事問：「爸爸還好嗎？」點知同事竟然誇張到咁答……
網民：做多幾個月，佢啲親朋好友全部都會死晒！
有其他網民就留言，喺職場做耐咗真係咩人都會遇到，有人就話：「都係早啲畀佢走，如果做多幾個月，佢啲親朋好友全部都會死晒！」唔知呢位新同事第二日返到公司又會講咩以承接「爸爸嘅意外」呢？
撰文：Evita｜圖片：FB@爆廢公社、網上圖片
