港女狠批同事「番公司叉尿袋好cheap」網民反嘲：再離譜啲都見過｜網絡熱話
廣告
香港不少打工仔在公司的時間比在家多，因此在公司幫電話充電是人之常情，但假如幫「尿袋」充電，又是否過份？日前就有一名港女在網上發文，批同事「番公司叉尿袋好cheap」，引起網民討論，大家又有什麼意見？
港女批同事「番公司叉尿袋好cheap」
一名港女近日在「親子王國」出post，問網民「你地同事會否番公司叉尿袋？」，她又引用數據，指「我記得睇過網上報導叉一個1萬mAh 尿袋大概用$0.3 電費」，因此認為同事在公司為「尿袋」充電，就是為了節省這$0.3的電費，形容其行為很cheap，直斥「有必要拎番公司叉咁核突嗎？」
網民指矯枉過正：邊有人咁小心眼
貼文一出，即有網民指「同事行為無問題」。不少網民指自己都有在公司為電話、尿袋充電的習慣，原因是「公司叉方便好多，屋企叉要瞓住覺叉，公司睇住佢叉爆就可以熄」，比較安全；有網民指出打工仔在公司的時間比在家多（不計睡眠時期），直言「需要咁計較？我都用私人電話處理公事啦」；
更有網民直斥樓主「係得自己咁小氣連$0.3都要計先會覺得人地咁做係有問題」，更指「呢啲人唔可以俾佢做老闆，會勁刻薄」。大家又覺得該港女是否太小心眼？
網民分享更多用盡公司資源例子
港女的貼文更引起網民分享一些曾聽說過，或曾見過同事盡用公司資源的例子，當中有人除了自己善用，也不忙照顧家人需要，甚至有人把公司當自己家，非常厲害：
插乜都見過，暖風機又有，電飯煲又有
見過返九五嘅人喺 pantry 煮三餐
見過有人喺公司一卷卷廁紙攞走，仲有 A4 紙
我有個師奶同事會屋企所有叉得嘅電器都拎返公司差，仲要叉埋俾個仔。有次仲撞破佢擠洗潔精，佢有時孭個大背囊返工，我估佢會拎埋廁紙之類
遲吓家居垃圾徵費，個個都帶垃圾返公司掉
我見我公司有個師奶，返工時間成日用公司電腦整理仔女的工作紙，再印埋出嚟
原文截圖：
圖片來源：親子王國、扮工室Online
