《十月初五的月光》8大感動爆喊位！

1. 君好自殺 發現禮信過身

初哥哥同君好重遇之後，君好偷偷地自殺，原來禮信同歡歡喜喜車禍過咗身，Q姨喺醫院喊到收唔到聲，作為觀眾都替佢心痛。

2. 你想去邊我都會陪你

初哥哥喺人海之中吹銀雞，淨係聽到呢下銀雞聲，回憶已經返晒嚟，加埋「你想去邊我都會陪你」呢句手語，d眼淚完全不受控。

3. 君好自責害死家人

飲醉咗嘅君好酒後吐真言，話係自己害死禮信，應該死嗰個係自己，真係好可憐！

4. 死過番生 被初哥哥打動

又趕走初哥哥，又輸晒佢D錢，仲搞到爭D畀人打，最後連尿都瀨埋都要繼續陪住君好，君好終於覺得自己玩夠，攬住初哥哥爆喊，然後重新做人。睇到呢段，記者都喺戲院入面攬住自己爆喊呀。

5. 禮信現身

喺君好差D死喺山泥下面嘅時候，佢見返禮信，禮信同佢講唔捨得帶佢走，叫佢返去緊張佢嘅人（初哥哥）身邊。睇到連亡夫都支持君好同初哥哥呢段感情，真係好感動。

6. 我瞓唔著 你可唔可以孭我瞓呀

一睇到呢段，所有回憶返晒嚟！君好一句話瞓唔著，初哥哥就自動自覺踎喺佢前面，記者都想有個初哥哥可以喺我瞓唔著嘅時候孭我瞓呀！

7. 我唔會理任何人講任何一句說話 我都要永遠同你一齊

喺初哥哥做手術之前，佢哋終於把握機會，將要講嘅說話及時講出口，無論以後係點，都要永遠喺埋一齊。等咗咁多年終於等到佢哋承認到方，有乜可能忍得住眼淚？

8. 我點都會等你

喺手術室門前，人人都同初哥哥講幾句祝福說話，只有君好喺遠處用手語同佢講：「我點都會等你」，回應返初哥哥最初用手語同佢講「你想去邊我都會陪你」。一眾演員都喊成咁，作為觀眾又點可能唔喊？

延伸閱讀
這一天我們會飛！馬鞍山滑翔傘賞芒草！【馬鞍山好去處】
【青春回憶】睇戲前做功課！8個關於《哪一天我們會飛》有趣事
新假期周刊 電子書：
ios：https://itunes.apple.com/hk/app/xin-jia-qi-zhou-kan/id722179449?mt=8
Android：https://play.google.com/store/apps/details?id=com.weekendhk.newsstand2&hl=zh_HK

新假期食玩報料：[email protected]
歡迎Instagram / facebook 使用#weekendhk 報料，資料一經選中會為你公告天下！
想最快接收第一手的旅遊飲食資訊？Easy！
1. 先分別讚好「新假期周刊」及「新假期Jetso 」兩個Facebook專頁
2. 在「讚好」按鈕下揀選「搶先看」，搞掂！