打工仔移民加拿大4個月搵唔到工 發送超過一百封求職電郵！｜網絡熱話
廣告
不少人都有分享移民後尋找工作的過程，最近有網友在討論區大呻移民加拿大搵工的經歷，事主已經搵工四個月，但發了大量求職電郵仍未成功找到心儀工作，「真係搵到心很累」。
打工仔分享加拿大搵工經歷
有網民在連登「其實喺外國搵工真係無連登仔講到咁易」為題開帖，分享在加拿大搵工經歷，事主表示自己已移民加拿大四個月，在Indeed、Glassdoor、Jobbank、本地Facebok群組等發送超過一百封求職電郵，「大包圍咁去搵，首先都係希望搵返做開個行，要Send嘅都Send晒，不過全部都係無回音。」事主其後嘗試做未做過的工種，「都係本住PR為目標咁去返呢份工，但後尾工時唔穩定，兼老細比較奇怪兼拖糧，之後無做。」
見工後會發follow up email
事主繼續搵工期間，參加了一間專為外地人就業的NGO，他們會教很多搵工技巧，「原來呢度文化就係要去表現自己，當然唔可以講大話，最重要係真誠」，事主表示在加拿大見工之後，求職者都會發一封follow up email向對方道謝。
4個月後終於收到兩個Interview
事主其後終於收到兩個Interview，第一份是做回本行，另一份是新工種的汽車行業工作，「心諗一定要盡力把握機會，於是上咗Youtube學面試技巧」。最後事主都收到上述兩間公司的聘請通知，最後決定要做回老本行。
移民搵工需要適應
不少網民紛紛討論，覺得見工後發一封follow up email向對方道謝是基本禮貌，「依個真係有用喎，門面嘢點都要做吓」、「想像外國人移民香港搵工一樣，要面對要適應」。
網民：加拿大搵工很難
有網民認同在加拿大搵工很難，覺得英國比較容易搵工，「YouTube 仲有人話加拿大唔存在揾唔到嘢做」、「唔知你咩年代，以前仲難，要逐家逐戶遞 CV，屋企有人係上一兩代移民應該好清楚我講乜，啲人又咪噤捱過嚟，依家好多都幾個物業收租退休，依家咁易都唔肯搏下三幾年，咁不如都係留港算啦」。
資料來源：連登討論尸口區
圖片來源：連登截圖、《大叔的愛》劇照、《愛回家之開心速遞》劇照
